Strandapósturinn - 01.06.2009, Qupperneq 12

10
Nú lá leið okkar á hótelið Augustin sem er staðsett í miðjum
gamla bænum. Eftir smástopp var farið í göngu um gamla bæinn
og tekinn bara nokkuð góður hringur. Síðan var kvöldverður og
kynningarfundur þar sem allir kynntu sig og sögðu smá frá sjálf-
um sér og sínum högum. Var það mjög fróðlegt og skemmtilegt
fyrir alla. Svo tókum við því bara rólega það sem eftir var kvölds
með spjalli hvert við annað.
Dagur 3.
Nú þurftum við að taka daginn snemma eða kl. 7:30, svo að við
kæmumst af stað um kl. 9:00 því nú voru það ferjur sem réðu tím-
anum. Fyrst var það auðvitað morgunleikfimin í rútunni og nú lá
leið okkar til Álasunds. Æ, æ, það var komin rigning en allt í lagi
því við vorum inni í rútunni, Guðlaug sagði okkur sögur af Gísla
Súrssyni því við fórum aðeins í heimsókn til hans, eða þannig.
Nokkrir fóru í míkrófóninn og sögðu okkur ýmislegt bæði til
fróðleiks og til skemmtunar.
Þennan dag kl. 11:30 var farið í fyrstu ferjusiglinguna og áttum
við þá eftir að fara í þær nokkrar. Áður en að því kom stoppuðum
við stutta stund á Valsey til að skoða minnismerki Gísla Súrssonar.
Fararstjórinn Guðlaug Sveinbjarnardóttir.