Strandapósturinn - 01.06.2009, Side 86

84
Morgunblaðið 5 greinar 2., 3., 17., 20. og 22. okt. (1963).
Þjóðviljinn 4 greinar 2., 3., 20. og 22. okt.
Tíminn 4 greinar sömu daga.
Vísir 6 greinar 2., 3., 4., 12. og 21. okt.
Alþýðublaðið 5 greinar 2., 3., 5., 20. og 22. okt.
Ekki eru greinaskrifin tekin upp í heild hér. Veki lestur þess-
arar samantektar forvitni einhvers til að vita meira, má sjálfsagt
finna greinarnar í Landsbókasafni eftir þessum tilvísunum. 1
Mbl. 22. okt. Á sunnudaginn var hafði hennar hátign, Bagga skjald-
bökudrottning, opinbera móttöku í Fiskifélagshúsinu við Skúlagötu.
Þangað munu hafa lagt leið sína á þriðja þúsund manns og eru
börn meðtalin. Virtist mikill áhugi hjá fólki að heilsa upp á Böggu
frá Steingrímsfirði. Blaðamaður Mbl. kom þangað kl. 3 ½ og var þá
stór biðröð við húsið og varð sumt fólk að bíða í 20 mínútur til að sjá
skjaldbökuna, en stæðilegir lögregluþjónar héldu uppi reglu við dyrnar.
Hér er talað um biðröð og ýjað að því að ekki hafi verið
vanþörf á lögregluaðgerðum. Hvað var hér á seyði?
Þetta allt saman á sér skýringu: Þegar Einar kom suður með
skjaldbökuna vildu blaðamenn ólmir ná sambandi við hann.
Fremstir í flokki þar voru Vignir Guðmundsson og Gestur
Þorgrímsson og voru Einari vinsamlegir og hjálplegir. Heilluðu
þeir Einar og taldi hann að þeir ætluðu að sjá alfarið um sýn-
inguna. Sannfærðist hann algerlega um að hann þyrfti ekki að
koma nærri undirbúningnum sjálfur. Við Björn bróðir höfðum
verið dyraverðir við Akranes-sýninguna og buðumst til að sjá
um dyravörsluna í Reykjavík, en Einar afþakkaði það með öllu.
Við vorum því ekki á Reykjavíkursýningunni. „Nei, tað tarf ekki
strákar mínir, ég hefur svo góða karla fyrir sunnan, Vignir og
Gestur Torgrímsson sér um tað,“ sagði hann algerlega heillaður
af fagurgala blaðamannanna. En var þetta annars nokkur fag-
urgali, ekki bara vingjarnlegt viðmót sem Einar oftúlkaði svona
ótæpilega?
Nú leið að sýningunni 20. október. Bagga var ekki komin
í Fiskifélagshúsið. Henni hafði verið komið fyrir í frystihúsi á
Grandagarði að sögn Morgunblaðsins. Enginn maður sýndist