Strandapósturinn - 01.06.2009, Side 16

14
Dagur 6.
Bjartur og mjög fallegur dagur bauð okkur velkomin í morg-
unsárið. Nú var haldið beint í suður því nú lá leið okkar til Bergen
þar sem við vorum næstu nótt. Auðvitað var byrjað á hressandi
morgunleikfiminni. Í þetta skiptið hélt ég reyndar að Guðlaug
myndi gleyma henni. En hún klikkar ekki konan sú frekar en fyrri
daginn og allir taka svo vel undir með henni og hlæja dátt. Síðan
var sungið svo það var alltaf mikið fjör í rútunni hjá okkur. Fórum
frá Förde kl. 9:30 á réttum tíma eins og alltaf. Keyrðum yfir Lange-
landsdal í gegnum Sande og Gaular niður að Vadheim með fram
Vadheimsfjorden að Sognefjorden, stærsta og dýpsta firði Noregs
(1300 m djúpur), og keyrðum við aðeins með fram honum að
Lavik þaðan sem við fórum með ferju yfir Sognefjorden til Oppe-
dal Ytre. Enn var haldið áfram og nú var keyrt í gegnum þröngan
dal sem heitir Fjordsdalen með fram fallegum bæjum og inn í
Hörðaland, þar komum við niður úr hádölunum og fjöllunum í
gegnum mörg göng og þröngan fallegan dal með mikið af trjám.
Þá var farið með fram Masfjorden og áfram Romarheimsdalen að
Romarheimsfjorden.
Það eru margir smábæir á þessari leið til Bergen og þegar þang-
að var komið fórum við á hótelið okkar, Augustin Hotel við C.
Sundts-götu í gamla bænum. Þetta var mjög gott hótel með rúm-
góðum herbergjum og góðri þjónustu, 4 til 5 stjörnu. Við fórum
og keyrðum um borgina á meðan var verið að gera herbergin klár
fyrir okkur, síðan var farið í göngutúra og mikið skoðað. Gamli
bærinn var grandskoðaður, kirkjur skoðaðar, aðeins kíkt í búðir
og á fiskimarkaðinn þar sem við fengum okkur smásmakk af ýmsu
fiskmeti og síðan var farið með lest upp bratta hlíð í 320 m hæð
að útsýnisstað sem heitir Flöyen. Þaðan er frábært útsýni yfir alla
Bergen og ekki sveik veðrið okkur. Við fengum glaðasólskin og
fínt veður svo að við vorum heldur en ekki heppin því sagt er að
það séu ekki nema 50 dagar á ári sem eru þurrir í Bergen og við
fengum einn af þeim. Að loknum góðum degi var bara slakað á
um kvöldið.
Dagur 7.
Ræst kl. 7:00 í morgunverð og mæting í rútu kl. 9:00. Því fór nú
verr að Höskuldur mætti 4 mínútum of seint svo að hann var