Strandapósturinn - 01.06.2009, Qupperneq 40

38
sérstaklega á þeim tíma þegar ekki var búseta í Fornahvammi.
Sveinatunga er nú í eyði.
Landið milli Sanddals og Norðurár heitir Sveinatungumúli.
Þegar þjóðvegurinn er farinn, með Norðurá, og komið er þar
sem útsýnið opnast meira til norðurs sést hvar á kemur austan að
og fellur í Norðurá. Á þessi heitir Hellisá. Hún fellur þarna um
dalverpi sem heitir Hellisdalur. Þar rennur áin um nokkurt gljúf-
ur. Landsvæðið norðan Hellisár, austan Norðurár, heitir Hellis-
tungur og nær það upp á móts við Fornahvamm.
Nú er komið að brú á Norðurá. Þar er farið yfir ána og ekið
upp Hellistungurnar. Þarna var fyrst brúað árið 1933 en áður
hafði verið farið upp að Fornahvammi vestan Norðurár. Núver-
andi brú var byggð 1982 samhliða uppbyggingu vegarins.
Þegar komið er stuttan spöl upp fyrir Norðurárbrúna er komið
að áningarstað, eða bílastæði, og er þar upplýsingaskilti. Þarna
blasir Kattarhryggur við en hann er vestan við Norðurá. Hann er
mjótt steinhaft eða klettahryggur sem liggur þarna með fram
Norðurá og er allbratt niður að ánni. Hryggurinn er sundurklof-
inn af gili, Kattarhryggsgili. Þarna blasir gamli vegurinn við og
Brýrnar á Neðri-Búrfellsá. Myndin tekin af núverandi brú.