Strandapósturinn - 01.06.2009, Síða 24

22
taka þátt í. Meðal skemmtiatriða var leikur sígaunahljómsveitar
sem spilaði lag frá hverju þjóðlandi gestanna og söngvarinn söng
með á tungumáli viðkomandi lands – og gerði það ótrúlega vel.
Upp rann þriðjudagurinn10. júní sem var þriðji dagur ferðar-
innar og dagurinn sem kórinn átti að halda tónleika í Búdapest.
Tónleikarnir fóru fram í afar fallegum sal í skóla fyrir blinda og
sjónskerta. Á tónleikunum söng með kórnum Ungverski ríkiskór-
inn ásamt Háskólakórnum í Búdapest. Kórarnir sungu sitt í hvoru
lagi og síðan saman í lokin ungverska lagið „Kacsi Szekér“. Í lok
tónleikanna þakkaði formaður Kórs Átthagafélags Strandamanna
fyrir móttökurnar og afhenti fulltrúum hinna kóranna ljósmynda-
bókina „Made in Iceland“ eftir Sigurgeir Sigurjónsson ásamt ein-
taki af nýjasta geisladiski kórsins „Ymur Íslands lag“. Í lokin kvödd-
ust allir með virktum og hver hélt til síns heima eftir velheppnaða
tónleika þar sem fullt var út úr dyrum.
Fjórði dagur ferðarinnar var miðvikudagurinn 11. júní og þann
dag lá m.a. fyrir að skoða þinghúsið. Þinghúsið er stór og afar
falleg bygging sem stendur við bakka Dónár. Þegar inn var komið
tók á móti hópnum ungverskur leiðsögumaður og Krisztina túlk-
aði. Um leið og gengið var um þinghúsið fékk hópurinn fræðslu
um sögu þingsins, sögu hússins og salarkynna. Að lokinni skoð-
unarferð var ferðinni heitið á hestabúgarð fyrir utan borgina. Á
veröndinni var tekið á móti hópnum með léttum veitingum og
þegar inn í veitingasalinn var komið var boðið upp á þjóðarrétt
heimamanna, hina margrómuðu ungversku gúllassúpu. Súpan
stóð fyllilega undir væntingum og að máltíð lokinni var boðið
upp á skoðunarferð um svæðið og skemmtilega hestasýningu.
Á fimmtudeginum 12. júní, sem var fimmti dagur ferðarinnar,
var haldið af stað frá Búdapest snemma morguns. Fram undan
var langur dagur þar sem næsti áfangastaður var Gjör, heimabær
Krisztinu. Á leiðinn sýndi hún okkur ýmsa áhugaverða staði auk
þess sem hún fræddi okkur um sögu Ungverja sem bæði hafa átt
sín blóma- og hörmungaskeið í gegnum aldirnar. Á leiðinni var
komið við í munkaklaustri þar sem kórinn söng „Heyr himna-
smiður“ í kirkju klaustursins. Hádegisverður var snæddur á veit-
ingastað í einum af hinum fallegu smábæjum sem standa við
bakka Dónár. Til Gjör var komið um kl. 19:00 þar sem gist var
næstu tvær nætur á Hótel Rába sem staðsett er í miðbænum.