Strandapósturinn - 01.06.2009, Blaðsíða 43

41
reka hótelið ráku þau allumsvifamikinn búskap. Þau byggðu fjár-
hús fyrir um 500 fjár handan Hvassár þar sem Hlíð var. Einnig var
byggt svínahús og rekið myndarlegt svínabú, a.m.k. á þeirra tíma
mælikvarða. Síðastur var svo Hafsteinn Ólafsson með konu sinni
frá 1970 til 1977. Eftir það fór Fornihvammur í eyði. Húsið var svo
jafnað við jörðu árið 1983.
Hvassá á upptök sín vestanvert við Snjófjöllin. Hún er straum-
hörð þar sem hún fellur niður með Fornahvammstúninu í Norð-
urá. Hún mun hafa verið verulegur farartálmi fyrr á öldum en var
brúuð árið 1911. Stöplarnir voru hlaðnir úr grjóti sem límt var
saman með steypu. Brúin sjálf var steinsteypt og var af svokallaðri
Vierendeel-smíði. Var þetta falleg brú en því miður féll hún niður
undan snjóþunga veturinn 1995 en sá vetur var óvenju snjóþung-
ur.
Þegar haldið er áfram norður er rétt að líta aðeins til vesturs
þar sem blasa við grasivaxnar brekkur og smáklettastallur. Fáir
munu trúa því nú að um 1970 var skíðakennsla þarna í brekkunni
á vetrum. Hótelhaldarnir, Gunnar og Lilja, stóðu fyrir henni og
Kattarhryggur, horft til suðurs.