Strandapósturinn - 01.06.2009, Page 84
82
víðar en á Ströndum, heilmikil blaðaskrif voru um atburðinn og
oft spjallað um skjaldbökur þessa daga um allt land.
Hólmvíkingar fóru fljótlega að velta því fyrir sér að fara með
Skjöldu í sýningarferðalag til Akraness og Reykjavíkur, en fram-
an af gekk fremur illa að útvega henni húsnæði í heppilegri
frystigeymslu. Að lokum rættist þó úr, áður en áhuginn minnk-
aði og leiðin suður lokaðist vegna snjóa. Skjaldbakan var sýnd
á Akranesi í frystihúsi Haraldar Böðvarssonar 17. október og
komu 4–500 manns að líta á gripinn. Í höfuðborgina lá síðan
leiðin með mótorbátnum Haraldi og Einar Hansen hélt sýn-
ingu á Böggu einn dag í Fiskifélagshúsinu, þann 20. október.
Lögregluþjónar héldu uppi reglu við dyrnar enda var biðröðin
löng. Aðgangseyrir var 5 kr. fyrir börn og 10 kr. fyrir fullorðna,
hlægilegur á þessum viðreisnartímum að sögn Þjóðviljans. Alls
komu á þriðja þúsund manns að sjá skjaldbökuna á þessum eina
sýningardegi.
Náttúrugripasafn Íslands keypti síðan risaskjaldbökuna fyrir
10.000 krónur og lagði Menntamálaráðuneytið fram fé til kaup-
anna. Gerð var afsteypa af skjaldbökunni í Kaupmannahöfn og
er hún varðveitt í Náttúrufræðistofnun Íslands og til sýnis í safn-
inu.
Og nú, 35 árum seinna ...
Ferðamálafélag Strandasýslu stendur fyrir sýningunni
Skjaldbökuævintýrið á Hólmavík 1963, í Upplýsingamiðstöð
ferðamála á Hólmavík sumarið 1998. Þar eru til sýnis jarðnesk-
ar leifar leðurskjaldbökunnar sem Náttúrufræðistofnun Íslands
hefur lánað, blaðagreinar sem starfsmenn Landsbókasafnsins
voru einkar hjálplegir við að útvega, og ljósmyndir sem tengjast
þessum merkisatburði. Myndirnar eru nær allar teknar af Pétri
Péturssyni og Þórarni Reykdal. Að auki er ástæða til að þakka
Ævari Petersen, forstöðumanni Náttúrufræðistofnunar, og Karli
Loftssyni sérstaklega fyrir aðstoð og liðlegheit.
Uppátækið hyggst Ferðamálafélag Strandasýslu fjármagna
með sölu á ljúffengri skjaldbökusúpu og póstkortum með mynd
af Einari Hansen og skjaldbökunni, rétt eftir að hún var dregin
á land. Sýningin verður opin frá 7. júlí til 15. ágúst og þar gefst
fólki kostur á að fræðast um þessa furðuskepnu.
Hér lýkur sýningarskránni.