Fréttablaðið - 20.01.2022, Side 14

14 Íþróttir 20. janúar 2022 FIMMTUDAGURÍÞRÓTTIR FRÉTTABLAÐIÐ 20. janúar 2022 FIMMTUDAGUR
Eftir frábæra frammistöðu í
riðlinum takast Strákarnir
okkar nú á við þungavigtar-
kappana í handbolta í milli-
riðlinum á næstu dögum. Þrjú
af sterkustu handboltalands-
liðum heims undanfarna ára-
tugi bíða Íslendinga í næstu
leikjum.
HANDBOLTI Strákarnir okkar voru
skiljanlega stoltir og ánægðir eftir
að naumur sigur á Ungverjum á
þriðjudaginn tryggði sæti Íslands
í milliriðlinum, með tvö stig. Með
því tókst þessu liði að gera betur en
nokkru öðru liði á fyrri mótum og
vinna fyrstu þrjá leikina á Evrópu-
mótinu. Það var margt jákvætt og
Ísland hafði betur gegn liðum sem
hafa verið að saxa á okkur undan-
farna áratugi, en nú kemur að stór-
löxunum í alþjóðlegum handbolta.
Íslendingar mæta frændum okkur,
Dönum, í Búdapest í kvöld og Frökk-
um á laugardaginn, sem skiptu á
milli sín fimm gullverðlaunum á
Evrópumótunum frá 2006 til 2014.
Danir og Frakkar taka tvö stig inn
í milliriðilinn, eins og Íslendingar.
Næst á eftir þeim bíður Strákanna
okkar einvígi gegn Króötum og
Svartfjallalandi, í lok milliriðilsins.
Fréttablaðið fékk Andra Snæ
Stefánsson, þjálfara Íslands- og
bikarmeistara KA/Þórs, til að rýna í
riðilinn. „Ég held að það sé mjög gott
að fá Dani fyrst. Það er alltaf auðvelt
fyrir okkur að trekkja okkur upp og
þeir eru að mínu mati óskamótherji
í fyrsta leik. Víkingaeðlið í okkur á
að vera til staðar þegar við mætum
Dönum og þá getur boltinn farið að
rúlla. “ ■
Gæti reynst vel að
byrja gegn Dönum
Íslendingar mæta fullir sjálfstrausts inn í milliriðlana eftir þrjá sigra í röð. FRÉTTABLAÐIÐ/GETTY
Ísland þarf
að hafa
góðar gætur
á Dika Mem í
leiknum gegn
Frökkum, en
Mem er með
fimmtán
mörk eftir
þrjá leiki.
Luka Cindric þarf að stíga upp hjá Króötum í fjarveru Domagoj Duvnjak.
Hansen var
með níu mörk
síðast þegar
Ísland mætti
Dönum.
Branko
Vujovic hefur
farið mikinn í
upphafi móts
í liði Svart-
fjallalands.
Svartfjallaland
■ Unnu tvo leiki í riðlinum
■ Markatala -4
■ Besti árangur á EM: 12. sæti
„Þetta er svolítið jójó-lið, sem er annað hvort eða. Ef þeir byrja vel geta þeir verið ansi
góðir, en þegar illa gengur geta þeir farið niður á lágt plan,“ segir Andri, og tekur undir
að það sé meiri óvissa í tengslum við Svartfjallaland. „Þeir eru með frábæra leikmenn.
Branko Vujović er búinn að vera frábær og það er alveg hægt að taka undir að þeir séu
svolítill jóker (e. wildcard) í þessum riðli, eins og sást þegar Danirnir náðu að jarða þá í
fyrri hálfleik og komast átta mörkum yfir.“
Kristinn Páll
Teitsson
kristinnpall
@frettabladid.is
Danmörk
■ Unnu alla leikina í riðlinum
■ Markatala +30
■ Besti árangur á EM: Meistarar (tvisvar)
„Danir mæta eflaust virkilega vel stilltir í leikinn, minnugir þess þegar þeir töpuðu fyrir
okkur fyrir tveimur árum síðan. Þeir eru með eitt af bestu liðum heims í dag, mjög vel
skipulagt og við erum ólíklegri aðilinn. Það eru möguleikar til staðar og ég er hæfi-
lega bjartsýnn á að við getum unnið Dani, en ég held að til þess þurfum við að fá góða
markvörslu og standa vörnina vel,“ segir Andri Snær, um fyrsta andstæðing Íslendinga.
„Danir eru með mjög stöðuga markvörslu í Landin, hann getur haldið þeim á floti
þegar sóknarleikurinn gengur illa, en fyrst og fremst er þetta heimsklassalið. Bæði liðin
eru búin að vera frábær sóknarlega á mótinu og Danir eru líklegast með besta sóknar-
leik heims, þannig að það verður mjög verðugt verkefni að reyna að stöðva það.“
Frakkland
■ Unnu alla leikina í riðlinum
■ Markatala +22
■ Besti árangur á EM: Meistarar (tvisvar)
„Ég er mest hræddur við Frakkana í þessum riðli. Þeir eru svakalega massífir, spila
þétta og öfluga vörn sem verður erfitt að brjóta á bak aftur. Svo eru þeir með sóknar-
lið með mikla þyngd og góða fótavinnu. Ég tel að þeir henti okkur ekki vel, enda með
valinn mann í hverri stöðu, eru bæði líkamlega þéttir og reynslumiklir og eru eins og
maskína,“ segir Andri, sem á von á því að Frakkarnir fari áfram upp úr riðlinum. 
„Frakkarnir tóku riðilinn sinn mjög sannfærandi og ég held að þetta verði erfiðasti
leikurinn, því ég er nokkuð viss um að þeir fari í undanúrslitin. Þeir gera fá mistök og
refsa öllum mistökum andstæðingsins. Fyrir vikið finnst mér þeir henta okkur verst
af öllum andstæðingunum,“ segir Andri.
Króatía
■ Unnu tvo leiki í riðlinum
■ Markatala +11
■ Besti árangur á EM: Silfur (þrisvar)
„Þeir eru með mjög breytt lið frá síðustu mótum. Það er ekki sama
pressa á þeim og oft áður, því þeirra helstu menn eru ýmist ekki
með, eða að ná sér af Covid-19. Það var verið að vonast eftir því
að Domagoj Duvnjak yrði með í milliriðlinum en það er enn óvíst.
Þeir gerðu samt helvíti vel í riðlinum og náðu góðum úrslitum gegn
Úkraínu og Serbíu og héldu í við Frakkana. Króatar eru alltaf hörku
íþróttaþjóð, spila sinn stíl og þekkja sín takmörk, en á sama tíma
með svakaleg gæði. Þeir eru hættulegir, en við erum með gæði líka
og miðað við sjálfstraustið í íslenska liðinu ætla ég að vera bjart-
sýnn á sigur gegn Króötum,“ segir Andri.
Króatar hafa átt í stökustu vandræðum með smit innan hópsins og
tekur hópurinn sífellt breytingum.
„Þeir léku án Luka Cindric gegn Frökkunum og hann breytir ýmsu
fyrir þetta lið. Þeir gerðu vel þar og voru tveimur mörkum undir
þrátt fyrir skakkaföllin.“