Fréttablaðið - 20.01.2022, Qupperneq 18

Allt er kynningarblað sem býður auglýsendum
að kynna vörur og þjónustu í formi viðtala og
umfjallana. Í blaðinu er einnig hefðbundið rit-
stjórnarefni. Blaðið fylgir Fréttablaðinu daglega.
Umsjónarmenn efnis: Elín Albertsdóttir, elin@frettabladid.is, s. 550 5761 | Oddur Freyr
Þorsteinsson, oddurfreyr@frettabladid.is s. 550 5766 | Sandra Guðrún Guðmundsdóttir,
sandragudrun@frettabladid.is, s. 550 5762 | Starri Freyr Jónsson starri@frettabladid.is, s. 550
5767 | Þórdís Lilja Gunnarsdóttir, thordisg@frettabladid.is, s. 550 5768
Útgefandi:
Torg ehf
Ábyrgðarmaður:
Björn
Víglundsson
Sölumenn: Arnar Magnússon, arnarm@frettabladid.is, s. 550 5652, Jón Ívar Vilhelmsson, jonivar@
frettabladid.is, s. 550 5654, Jóhann Waage, johannwaage@frettabladid.is, s. 550 5656, Ruth Bergsdóttir,
ruth@frettabladid.is, s. 694 4103.
Hjúkrunarfræðingurinn Þur-
íður Skarphéðinsdóttir vill vera
umhverfisvæn í fatakaupum og
reynir að kaupa næstum öll sín föt
notuð. Hún fylgist lítið með tísku
en hefur gaman af því að velta
klæðnaði fyrir sér og gengur ein-
faldlega í fötum sem henni finnst
falleg og klæða hana vel.
„Ég vinn á heila-, tauga- og
bæklunarskurðdeildinni á Land-
spítalanum í Fossvogi,“ segir
hún. „Við höfum ekki verið með
Covid-sjúklinga vegna sérgreinar
okkar en auðvitað finnur man
fyrir faraldrinum. Við höfum til
dæmis stundum tekið sjúklinga
frá öðrum deildum þegar það þarf
f leiri pláss fyrir sjúklinga með
Covid. Það finna allir fyrir því
gríðarlega mikla álagi sem er á
spítalanum þessa dagana.“
Lengi haft áhuga á vintage tísku
Þuríður hefur verið að sækja
meira í þægilegar peysur að
undanförnu.
„Ég veit ekki hvort það tengist
álaginu út af faraldrinum beint,
Þuríður segir að
undanfarin ár
hafi hún hallast
sífellt meira að
því að klæðast
leggings og of
stórum peysum,
helst notuðum,
og bætir við í
léttum tón að
það hljóti að
vera merki um
að hún sé að
verða miðaldra.
FRÉTTABLAÐIÐ/
SIGTRYGGUR ARI
Oddur Freyr
Þorsteinsson
oddurfreyr
@frettabladid.is
en ég er farin að nota og kaupa
þær meira. Þær eru hentugar bæði
heima fyrir og í daglegu amstri,“
segir hún.
Þuríður segist ekki hafa mikinn
áhuga á tískuheiminum í sjálfu
sér, en að henni finnist mjög
skemmtilegt að pæla í fötunum
sem hún og aðrir klæða sig í.
„Ég horfi til dæmis mikið á í
hvernig skóm fólk gengur þegar
ég á að vera að læra á Þjóðarbók-
hlöðunni og fæ líka oft innblástur
frá einhverjum sem gengur fram
hjá mér á Laugaveginum,“ segir
hún.
„Ég var mjög fókuseruð á vin-
tage tísku frekar lengi en á sama
tíma keypti ég aðra hverja f lík
í H&M og Primark eins og ekta
kaupóður Íslendingur. En undan-
farin ár er ég byrjuð að hallast
frekar að of stórum peysum (helst
notuðum) við leggings, eins og
miðaldra konan sem ég er að
verða.
Ég er yfirleitt í fötum sem mér
finnst falleg og klæða mig vel (að
mínu mati, ekki mömmu). Ég hef
alltaf sagt að ég sé „trend- setter“
þegar kemur að klæðaburði en
vinkona mín vill meina að ég sé
bara í ljótum fötum sem eru svo
óvænt í tísku sirka tveimur árum
seinna,“ segir Þuríður létt.
Bara notuð og umhverfisvæn föt
„Nú til dags reyni ég að kaupa öll
fötin mín í hringrásarverslunum
og fötin sem ég kaupi notuð eru
yfirleitt ekki mjög dýr. Uppáhalds
verslanirnar mínar eru Extralopp-
an í Smáralindinni og Verzlana-
höllin á Laugavegi. Svo er ég líka
í mörgum hópum á Facebook þar
sem fólk er að selja notuð föt og
hef keypt mjög margar af bestu
f líkunum mínum þar,“ segir
Þuríður. „Það eina sem ég á erfitt
með að kaupa notað eru buxur, en
leggings kaupi ég oftast á ethic.is,
sem selur umhverfisvænni f líkur.
Í uppeldi mínu var lögð mikil
áhersla á umhverfisvernd, sem er
aðalástæðan fyrir áhuga mínum
á notuðum flíkum. „Fast-fash ion“
bransinn er fáránlega óum-
hverfisvænn og mér hefur reynst
ótrúlega auðvelt að finna fal-
legar f líkur á netinu og í hring-
rásarverslunum,“ segir Þuríður.
„Ég er reyndar heppin að vera í
mjög algengri skóstærð og nota
stærðir sem oftast er eitthvað til
af í verslununum, en það góða
við hringrásarverslanir er að þar
getur fólk af öllum stærðum og
gerðum selt fötin sín og keypt föt.
Mér finnst það skipta miklu
máli að nýta notuð föt. Ef ég kaupi
eitthvað sem ég geng svo ekkert í
þá gef ég það alltaf áfram í Rauða
krossinn og oft hef ég keypt eitt-
hvað sem er alveg ónotað í hring-
rásarverslunum. Ég hætti nánast
alveg að kaupa föt á vefsíðum eins
og Asos og svo framvegis árið 2018
til þess að reyna að vera umhverf-
isvænni og ég reyni að forðast
„fast-fashion“ verslanir eins og
heitan eldinn,“ útskýrir Þuríður.
„Ég er líka með app í símanum
sem heitir „Good on you“, þar sem
fatamerkjum er gefin einkunn
varðandi umhverfisvernd og
annað og ég mæli með því.“
Drottningar til fyrirmyndar
Þuríður segist næstum eingöngu
ganga í svörtu eða hvítu en að
henni finnist samt líka gaman að
vera í björtum litum og geri það of
sjaldan.
„Ég nota eyrnalokka og er með
neflokk og það eru eiginlega einu
fylgihlutirnir sem ég er með. Ég
er reyndar nýbyrjuð að vera með
hárspangir, sem getur verið „næs“
og svo passar rauður varalitur við
allt,“ segir Þuríður.
Þegar Þuríður eru spurð um
tískufyrirmyndir nefnir hún fyrst
Ericku Hart.
„Hún er drottning sem ég
væri til í að taka mér meira til
fyrirmyndar. Hún hikar ekki við
að vera í marglitum fötum og
„púllar“ þau eins og engin annar,“
segir hún. „Frida Kahlo er svo bara
fyrirmynd lífs míns almennt, líka
þegar kemur að tísku. Mindy Kal-
ing er líka geggjuð og systir mín
vill endilega að ég nefni Berglindi
Festival, sem ég mótmæli ekki, þar
sem hún er líka „queen“.“
Peysan frá mömmu í uppáhaldi
„Flíkin sem ég hef átt lengst er
gallaskyrta sem ég keypti í Spúút-
nik fyrir líklega níu árum og hef
notað mjög mikið alveg síðan. Því
miður á ég ekkert eldra, þar sem
það var allt keypt í einhverjum
„fast-fashion“ verslunum þar
sem endingartíminn er almennt
slakur,“ segir Þuríður.
„Bestu fatakaupin eru hins
vegar eiginlega of mörg til að
nefna eitthvað eitt sérstakt. Allt
sem ég kaupi notað og fer mér vel
er sigur. Sú fatasamsetning sem ég
fíla mig mest í er líklega notaður
samfestingur og skór sem ég fékk á
fimm hundruð krónur í Verzlana-
höllinni og eru frá 9. áratugnum,“
útskýrir Þuríður. „Ég elska líka
Ivy Park úlpuna sem ég keypti
af einhverri gellu á Facebook á
sex þúsund krónur og ég er mjög
mikið í henni.
Verstu fatakaupin eru aftur á
móti líklega gallastuttbuxur af
Etsy sem ég keypti árið 2012 og
pabbi endaði á að eignast. Hepp-
inn hann,“ segir Þuríður kímin.
Áttu eina uppáhaldsflík?
„Það er líklega lopapeysan sem
mamma prjónaði fyrir mig og ég
svo óvart, mjög óvart, setti sót í
uppi á hálendi eitt kalt septem-
berkvöld,“ segir Þuríður. „Ég sýndi
henni bara einhverja mynd sem
ég fann og hún prjónaði peysuna.
Talandi um „queens“!“
Að lokum vill Þuríður senda
einföld en mikilvæg skilaboð til
lesenda:
„Hugsið betur um umhverfið,
elskurnar.“ n
Ég hætti
nánast
alveg að
kaupa föt á
vefsíðum
eins og
Asos og
svo fram-
vegis árið
2018 til
þess að
reyna að
vera
umhverfis-
vænni.
2 kynningarblað A L LT 20. janúar 2022 FIMMTUDAGUR