Fréttablaðið - 20.01.2022, Page 23

EFLA er þekkingarfyrirtæki
sem veitir sérfræðiþjónustu
á sviði verkfræði og tengdra
greina með það að hlut-
verki að koma með lausnir
sem stuðla að framförum
viðskiptavina og efla sam-
félagið.
EFLA er með starfsemi á Íslandi
og í Noregi og hefur að auki byggt
upp starfsemi í Póllandi, Svíþjóð,
Þýskalandi og Skotlandi auk þess
að koma að fyrirtækjum í Frakk-
landi og Tyrklandi.
Hjá EFLU starfa um 370 starfs-
menn. Á Íslandi eru starfsstöðvar
EFLU á Ísafirði, Akureyri, Egils-
stöðum, Reyðarfirði og Seyðis-
firði, Hellu, Selfossi, Hvanneyri
og Reykjanesbæ, en höfuðstöðv-
arnar eru að Lynghálsi í Reykjavík.
„Okkar markmið er að efla sam-
félagið og með því að hafa starfs-
stöðvar um allt land erum við í
nálægð við nærsamfélagið. Okkur
finnst mikilvægt að vera nálægt
okkar viðskiptavinum og veita
þeim nærþjónustu,“ segir Jónína
Björk Vilhjálmsdóttir, sviðsstjóri
markaðsþróunar hjá EFLU.
Stefnumörkun og skýr
framtíðarsýn
„Í fyrra fórum við í gegnum stefnu-
mörkun og settum okkur fram-
tíðarsýn til ársins 2025,“ heldur
Jónína áfram. „Í henni kemur fram
að EFLA verði fyrirmynd þekk-
ingarfyrirtækja og brautryðjandi
við úrlausn brýnna samfélags-
verkefna. Þetta er metnaðarfull
framtíðarsýn og gefur til kynna
að við leggjum mikla áherslu á
samfélagslega ábyrgð í allri okkar
starfsemi. Á grundvelli þessarar
framtíðarsýnar lögðum við fram
fimm megináherslur. Við erum
þekkingarfyrirtæki og okkar
mikilvægasta auðlind er mann-
auðurinn“.
Í framkvæmdastjórn EFLU
sitja þrjár konur, auk Jónínu eru
það Helga Jóhanna Bjarnadóttir,
sviðsstjóri samfélags, og Ingibjörg
Sigrún Stefánsdóttir, sviðsstjóri
mannauðs.
Helga Jóhanna er efna- og
umhverfisverkfræðingur sem
starfað hefur hjá EFLU og for-
verum í 20 ár og er sviðsstjóri
samfélagssviðs. Meðal verkefna
sviðsins eru meðal annars skipu-
lags-, samgöngu- og umhverfis-
mál, jarðtækni og landmælingar,
landslagsarkitektúr og hönnun á
samgönguinnviðum.
Ingibjörg Sigrún Stefánsdóttir,
kom til starfa til EFLU fyrir rúmu
ári síðan, hefur meistarapróf í við-
skiptafræði með áherslu á stjórnun
og stefnumótun og hefur verið í
stjórnendahlutverki í meira en 20
ár, bæði í opinbera- og einkageir-
anum. Hún ber ábyrgð á faglegri
mannauðsstjórnun hjá EFLU og
sinnir m.a. ráðgjöf til starfsfólks og
stjórnenda, starfsþróunarmálum,
ráðningum og að faglega séð staðið
að ákvörðunum sem lúta að mann-
auði fyrirtækisins.
Jónína er viðskiptafræðingur
með meistaragráðu í markaðs-
fræðum og alþjóðaviðskiptum.
Hún ber ábyrgð á markaðsmálum,
viðskiptaþróun og nýsköpun hjá
EFLU. „Við þrjár erum í fram-
kvæmdastjórninni og við ásamt
öðrum vinnum að því að færa
fyrirtækið í átt að þeirri framtíðar-
sýn sem við höfum fyrir næstu
fimm árin,“ segir Jónína.
Að sögn Jónínu er EFLA drifin
áfram af markvissri stefnumörk-
un. „Við vinnum mjög mikið með
stefnumörkunina, setjum okkur
markmið til fimm ára og brjótum
það niður í verkefni hvers árs.
Framkvæmdastjórnin heldur svo
utan um það. Undanfarin ár hefur
okkur tekist að vaxa og dafna og
við teljum þessa miklu áherslu á
stefnumótunina, öfluga eftirfylgni
allra stjórnenda og þátttöku allra
starfsmanna eiga stóran þátt í
því hversu vel hefur tekist til hjá
EFLU.“
Störf án staðsetningar
„Fyrir tveimur árum fórum við
í gegnum skipulagsbreytingar
sem við teljum hafa verið mikið
gæfuspor fyrir okkur varðandi
framþróun mannauðs hjá fyrir-
tækinu, en hjá EFLU starfar mikill
fjöldi sérfræðinga,“ segir Ingibjörg.
„Hópurinn er mjög sérhæfður,
margir með mikla reynslu og
strúktúrinn hjá okkur er mjög
flatur. Við vildum einmitt undir-
strika þetta flata skipulag og dreifa
ábyrgð enn frekar með þessum
skipulagsbreytingum. Við vinnum
í mörgum teymum og deilir fólk
með sér hlutverkum í teymunum.
Þar er ekki deildarstjóri sem
stjórnar heldur fyrirliði sem hefur
það hlutverk að tryggja virkni
teymisins. Það mætti líkja þessu
við íþróttalið þar sem er einn
fyrirliði og svo hafa allir í liðinu
sitt hlutverk. Okkur finnst þetta
gagnlegt til að deila ábyrgð og auka
samábyrgð hjá heildinni.“
Ingibjörg segir að EFLA hafa sett
sér það markmið að skapa eftir-
sóknarverðan vinnustað til að laða
að afburðamannauð. „Við leggjum
áherslu á að fólkinu okkar líði vel
og að það sé ávallt valinn maður
í hverju rúmi. Sem dæmi um það
vorum við þátttakendur í tilrauna-
verkefni á vegum landlæknis og
VIRK um að skapa heilsueflandi
vinnustað sem veitir okkur gott
aðhald. Við erum með skýra
mannauðsstefnu auk þess sem
við leggjum áherslu á að tryggja
jafnrétti og jöfn tækifæri óháð
kynjum.
EFLA hefur verið jafnlauna-
vottað fyrirtæki frá árinu 2019 og
hefur sett sér skýr markmið um að
vinna gegn öllum kynbundnum
launamun og stuðla að jafnrétti
kynjanna á vinnumarkaði. Má í
því samhengi nefna að í síðustu
mælingu mældist launamunur hjá
okkur undir einu prósenti. EFLA
er jafnframt eitt af þeim fyrir-
tækjum sem hafa heitið því að
vinna markvisst að því að jafna
hlut kynja í efsta lagi stjórnunar.
Þá er það einnig mat okkar að með
markvissri teymisnálgun teljum
við okkur vera að skapa umgjörð
þar sem allir geta notið sín óháð
kyni. Einungis um 30 prósent
okkar starfsfólks eru konur en með
teymishugsun og samábyrgð, sem
við leggjum mikla áherslu á, náum
við að valdefla allt okkar starfs-
fólk.“
Ingibjörg segir samkeppni
um gott fólk vera harða og að
ein afleiðing Covid sé að miklar
breytingar séu að eiga sér stað á
vinnumarkaði. „Eitt af því sem við
höfum verið að horfa til eru störf
án staðsetningar sem lið í því að
stækka þann hóp sem hefur áhuga
og vilja til að vinna með okkur.
Hjá okkur er nokkur fjöldi starfs-
manna sem vinnur víðs vegar um
landið og sinnir verkefnum sem
eru staðsett víða um heim. Sem
dæmi má nefna starfar hjá okkur
starfsmaður sem býr í Mývatns-
sveit, tilheyrir starfsstöðinni á
Akureyri og sinnir verkefnum
sem tengjast Suðurlandi. Þá erum
við einnig með starfsmann sem
sinnir verkefnum í Noregi en er
búsettur á Siglufirði. Við sjáum
ýmis tækifæri samfara þessari
þróun og erum mjög opin fyrir því
að prófa okkur áfram með að auka
sveigjanleikann og skapa mögu-
leika fyrir fólk til að vinna þar sem
því hentar hverju sinni.“
Annað atriði í framtíðarsýn
EFLU til 2025 er stafræn þróun.
„Við reynum að nýta tækifærin
bæði í lausnum okkar og í sam-
skiptum hér innanhúss og erum
að innleiða nýja samskiptatækni
bæði innan félagsins og í samskipt-
um við viðskiptavini. Þetta á líka
við um sjálfvirknivæðingu ferla
til að auka þjónustu við viðskipta-
vini og skilvirkni samskipta,“ segir
Jónína.
Tæknin opnar tækifæri
Þriðja grunnatriðið varðandi
stefnu EFLU snýr að því að auka
virði til viðskiptavinarins. „Við
viljum fara fram úr væntingum
viðskiptavina, nýta þekkingu og
getu sem býr í mannauði félags-
ins til að sjá tækifæri og kynna
þau. Stafræna tæknin nýtist vel í
þeim efnum enda hefur landslagið
varðandi kauphegðun þróast og
breyst mikið síðustu tvö ár,“ segir
Jónína.
„Við finnum vel að þetta er það
sem ætlast er til af okkur,“ segir
Helga Jóhanna. „Við erum sér-
fræðingar á mörgum sviðum og
viðskiptavinurinn vill oft að við
komum með hugmyndir til hans
um það hvernig hægt sé að gera
hlutinn betur, öðruvísi og auka
virðið til hans. Til að styðja við
þessa hugsun höfum við farveg hér
innandyra: skýra umgjörð nýsköp-
unar og þróunar.“
„Nýsköpun hefur alltaf verið í
miklu fyrirrúmi hjá EFLU,“ bætir
Jónína við. „Nýsköpunarhugs-
unin er ekki ný hjá félaginu. Á
vissan hátt má segja að nýsköpun
sé kjarni EFLU. Við teljum hana
vera eina grunnstoð þess hve
góðum árangri við höfum náð. Við
fóstrum menningu sem hvetur til
forvitni og frumkvæði starfsfólks
til að leita framsýnna lausna.“
Helga Jóhanna segir EFLU alltaf
hafa lagt áherslu á að gefa ungu
fólki tækifæri til að koma til starfa.
„Við erum með 20-25 sumarstarfs-
menn á hverju ári. Það tengist auð-
vitað því að vera í góðum tengslum
við háskólasamfélagið. Sérfræð-
ingar okkur eru leiðbeinendur
og kennarar í háskólum landsins,
á bæði BS- og MS-stigi. Mikið af
þróunarverkefnum er í gangi og
fullt af sprotum og nýsköpunar-
vinnu.“
Sjálfbærni ávallt í fyrirrúmi
Næsta áhersla fyrirtækisins í
stefnumörkun er sjálfbær EFLA.
„Sjálfbærni helst gjarnan hönd í
hönd við nýsköpun. Til að draga
úr neikvæðum umhverfisáhrifum
hér á jörðinni þurfum við að beita
nýjum aðferðum og nýrri tækni.
EFLA leggur áherslu á sjálfbærni
í eigin rekstri og gefur árlega út
sjálfbærniskýrslu og sýnir þannig
gott fordæmi auk þess að sinna
ráðgjöf varðandi sjálfbærni til við-
skiptavina , fyrirtækja og sveitar-
félaga. Ekki síst er lögð rík áhersla
á að í allri ráðgjöf EFLU sé horft í
gegnum sjálfbærnigleraugun og
fundnar þær lausnir sem eru hvað
sjálfbærastar út frá umhverfis-
sjónarmiðum sem og öðrum sam-
félagslegum sjónarmiðum,“ segir
Helga Jóhanna.
Viðskiptavinir EFLU eru um
1.150 á ári og verkefnin yfir 3.000
talsins og getur fyrirtækið því haft
umtalsverð jákvæð samfélagsleg
áhrif. EFLA er í fararbroddi á
þessu sviði. Starfsemin hefur verið
kolefnishlutlaus síðustu fimm ár
og hefur EFLA fengið ýmis verð-
laun fyrir þennan þátt í starfsem-
inni, meðal annars Kuðunginn,
umhverfisverðlaun umhverfis-
ráðuneytisins 2020 og Loftslags-
viðurkenningu Reykjavíkurborgar
og Festu árið 2019.
Upplýsingar um kolefnisspor
Matarspor, hugbúnaðarlausn sem
reiknar kolefnisspor á bak við
máltíðir, spratt upp úr umhverfis-
viku EFLU en slík vika er einu
sinni á ári. „Hugmyndin var að
veita okkar starfsfólki upplýsingar
um kolefnisspor máltíða. Þetta
hentar hins vegar mjög vel fyrir öll
mötuneyti og veitingahús. Nú er
önnur kynslóð hugbúnaðarins að
koma út og í henni er ekki aðeins
hægt að sjá kolefnissporið heldur
líka næringargildi máltíða,“ bætir
Jónína við.
EFLA gerði líka vefreikni í sam-
vinnu við Orkuveituna sem er opin
öllum á slóðinni kolefnisreiknir.is
en þar geta einstaklingar reiknað
út sitt eigið kolefnisspor miðað við
íslenskar aðstæður. Núna er verið
að vinna að kolefnissporsreikni
fyrir ferðamanninn í samvinnu við
Íslandsstofu. Það er hugsað til að
ferðamenn geti séð kolefnisspor
ferðarinnar og kolefnisjafnað hana
hér á landi.
Vistvæn hönnun og ráðgjöf
Helga Jóhanna segir EFLU hafa um
nokkurt skeið unnið að vistvænni
hönnun skipulags og bygginga
og vottun þeirra. Í slíkri hönnun
er lögð áhersla á orkunýtni, góða
innivist fyrir notandann, vistvæn-
ar samgöngur, efnisval og loftslags-
mál. „Það má nefna að við unnum
alþjóðlega hönnunarsamkeppnina
Re-Inventing Cities ásamt Basalt
arkitektum, Landmótun og Reginn
fyrir byggingu sem rísa mun á
mótum Suðurlandsbrautar og
Lágmúla en tillagan gerir ráð fyrir
nokkurra hæða byggingu úr kross-
límdum timbureiningum með
miklu lægra kolefnisspor en hefð-
bundin steypt bygging.
Rétt fyrir jól varð EFLA ásamt
Beam architects hlutskörpust í
samkeppni um brú yfir Fossvog-
inn. Um er að ræða tengingu yfir
voginn fyrir vistvæna samgöngu-
máta, hjólandi, gangandi ásamt því
að vera leið Borgarlínu yfir voginn.
„Við hönnun brúarinnar var m.a.
lögð áhersla á að útfæra brúna með
hagkvæmni, upplifun og þægindi
fyrir notandann að leiðarljósi um
leið og hún félli vel að einstöku
náttúrulegu umhverfi í Fossvog-
inum. Við lögðum sérstaka áherslu
í efnisvali á góða endingu og lítið
viðhald sem og lágt kolefnisspor
sem allt eru mikilvægir þættir
í sjálfbærni mannvirkja,“ segir
Helga Jóhanna.
„Stefnumörkunin er grund-
vallaratriði í okkar starfsemi. Og
samofið henni hefur okkur tekist
að laða til okkar frábært starfsfólk
sem er kjarninn í okkar velgengni,“
segir Ingibjörg að lokum. ■
Þekkingarfyrirtæki sem byggir á mannauði
Jónína Björk Vilhjálmsdóttir, sviðsstjóri markaðsþróunar, Ingibjörg Sigrún Stefánsdóttir, sviðsstjóri mannauðs, og
Helga Jóhanna Bjarnadóttir, sviðsstjóri samfélagssviðs, sitja allar í framkvæmdastjórn Eflu. FRÉTTABLAÐIÐ/EYÞÓR
Okkar markmið
er að efla sam-
félagið og með því að
hafa starfsstöðvar um
allt land erum við í
nálægð við nærsam-
félagið. Okkur finnst
mikilvægt að vera
nálægt okkar við-
skiptavinum og veita
þeim nærþjónustu.
Jónína Björk Vilhjálmsdóttir
kynningarblað 3FIMMTUDAGUR 20. janúar 2022 FÉLAG KVENNA Í ATVINNULÍFINU