Fréttablaðið - 20.01.2022, Qupperneq 46

Ásdís Auðunsdóttir, Inga
Fríða Tryggvadóttir og
Unnur Elfa Guðmundsdóttir
eiga það sameiginlegt að
vera allar metnaðarfullir
stjórnendur og faglegir leið-
togar hjá Hafnarfjarðarbæ.
Áhugi, reynsla, sýn og per-
sónuleiki marka stjórnunar-
stíl þeirra og áherslur, í starfi
þar sem mannauðurinn er
mikilvægasta auðlindin.
„Til að hér takist sem best til
verður að vera til staðar gagn-
kvæmt traust og þá þarf stjórn-
andinn að vera sú fyrirmynd sem
starfsfólk getur litið til,“ segir Ásdís
Auðunsdóttir, forstöðumaður á
heimili fyrir fatlað fólk. „Fjársjóð-
urinn er fólginn í því að virkja það
afl sem býr í starfsmannahópnum.
Í hverjum og einum starfsmanni
býr metnaður og það er mikil-
vægt að hlusta á ólíkar skoðanir,
að starfsfólk finni að það sé tekið
mark á því, og að hugmyndir þess
og tillögur fái að heyrast þannig að
það fái notið sín í starfi. Stjórnandi
þarf einnig að standa með sínu
fólki og styðja og hvetja til frum-
kvæðis. Það kemur öllum til góða
að stjórnandi leggi sig fram um að
hlúa að starfsmannahópnum. Í
okkar starfi er ákveðin festa mikil-
væg; mikil starfsmannavelta er
ekki góð fyrir þjónustunotendur.“
Ásdís segir að starfsmanna-
hópurinn á heimilinu þar sem
hún vinnur sé fjölbreyttur en þar
vinnur bæði fagfólk með mikla
reynslu og svo ungt fólk sem er að
stíga sín fyrstu skref. Segir hún að
þá skipti góð aðlögun miklu máli
um framhaldið. „Hafnarfjarðar-
bær hefur boðið upp á nýliða-
fræðslu þar sem farið er yfir hug-
myndafræði, réttindi og skyldur
í starfi. Það er gefandi að sjá ungt
fólk koma til starfa og þroskast
í starfi sínu og jafnvel mennta
sig til starfsins. Starfsfólk þarf
að fá tækifæri til starfsþróunar
og hefur Hafnarfjarðarbær verið
með metnaðarfulla starfsþróun í
þessum geira. Ég hef hvatt mitt fólk
til að fara á námskeið, tileinka sér
nýja þekkingu svo allir þekki og
raungeri hugmyndafræðina sem
unnið er eftir. Markmiðið er vel-
ferð íbúanna.“
Ásdís segir að það áhugaverða
við forstöðumannastarfið sé hvað
verkefnin eru fjölbreytt, þarfir
íbúa ólíkar og verkefnin margs
konar. „Forgangsverkefni er að
sjálfsögðu þjónustan við íbúa sem
þarf sífellt að vera í endurskoðun
og margir þræðir þurfa að samein-
ast svo vel takist til. Góður starfs-
mannahópur með sameiginlega
sýn og sem vinnur sem ein heild er
lykillinn að árangursríku starfi.
Hluti af hópnum
„Ég var ekki með stjórnunar-
reynslu en var búin að vera hand-
boltaþjálfari í nokkur ár og ákvað
að taka svolítið þjálfarann á þetta,“
segir Inga Fríða Tryggvadóttir,
leikskólastjóri Smáralundar í
Hafnarfirði, um það þegar hún hóf
störf á sínum tíma. „Ég var lands-
liðskona í handbolta og spilaði
bæði með Stjörnunni og Haukum
og var heppin að spila í góðum
liðum með góðri liðsheild og mik-
illi hópstemningu. Þegar ég tók
við starfinu fannst mér tilvalið og
mikilvægt að endurspegla og búa
til þessa liðsstemningu og keppn-
isanda. Ég lít á mig sem þjálfarann
í hópnum, reyni að leiðbeina vel
og vera fyrirmynd. Maður horfir
í og reynir að ýta undir styrkleika
hvers og eins því rétt eins og á vell-
inum þá kallar leikskólastarfið á
fjölbreytni í fólki, sveigjanleika og
skarpa og skapandi hugsun. Ég vil
að mitt fólk blómstri í sínu starfi
og legg því upp með að lesa svolítið
starfsfólkið, eða leikmennina, í
leikskólanum.“
Inga Fríða segir það einkenn-
andi að starfsfólk leikskóla hugsi
í lausnum. „Leikskólastarfið er án
vafa eitt skemmtilegasta og mest
gefandi starf í heimi. Því fylgir
mikil gleði en líka mikið álag. Börn
á hverri deild eru mörg, þarfirnar
ólíkar, rými oft á tíðum lítið og
hávaðinn mikill. Við þekkjum
þetta vel og látum verkin tala. Það
að breyta aðstöðu og umhverfi
er svolítið undir okkur komið;
alveg eins og í íþróttum þar sem
leikmenn þurfa að velta því fyrir
sér hvort og þá hvernig þeir ætla
að leggja sig fram í leikjum til
að vinna. Sigurinn er svo miklu
sætari. Við nennum ekki að staldra
lengi við einhver vandamál eða
krefjandi verkefni. Við reynum
að passa vel upp á okkar andlegu
líðan; notum núvitund í starfi
bæði fyrir okkur sjálf og nem-
endur til að hlúa að okkur og sjálfi
okkar. Ég vil að öllum líði vel og
velti fyrir mér hvað ég get gert
til að ýta undir vellíðan í starfi,
til að minnka álagið og auðvitað
vera með framúrskarandi skóla-
starf. Hópurinn minn er frábær og
starfsmannaveltan hefur verið lítil
þannig að eitthvað erum við að
gera rétt.“
Inga Fríða segist almennt leggja
áherslu á að vera hluti af hópnum
þó það sé svo hún sem taki loka-
ákvarðanirnar og þurfi að taka á
erfiðum málum. „Ég geng í öll störf
þannig að ég veit hvað ég er að tala
um. Ég er sýnilegur stjórnandi og
reyni að vera leiðtogi bæði í orði og
á borði; að vera jákvæð og lausna-
miðuð þannig að það smitist út
í starfið og til félaga minna. Ég
legg þannig frekar áherslu á það
sem við getum gert í hinum ótrú-
legustu aðstæðum en ekki hversu
stórt verkefnið er. Ég reyni að enda
alltaf daginn inni á deild þannig
að ég sé í samskiptum við bæði
starfsfólk og foreldra. Þetta fyrir-
komulag gefur mér mikið, styrkir
tengslin, fyllir mig gleði og léttir
lundina eftir langan dag á skrif-
stofunni.“
Árangur kemur með
vellíðan og öryggi
„Það er skemmtilegt og gefandi
starf að vera stjórnandi í skóla.
Verkefnin eru mörg og mis-
munandi og enginn dagur eins. Að
bregðast við óvæntum aðstæðum
er daglegt brauð og það þakklæti
og sú hlýja sem maður fær frá
nemendum sínum gefur starfinu
þýðingarmikinn blæ. Það er okkar
starf að virkja og styrkja ein-
staklingana til árangurs, hvern á
sínu sviði, og gefa þeim tækifæri
til að skapa sér bjarta framtíð,“
segir Unnur Elfa Guðmundsdóttir,
skólastjóri Áslandsskóla.
„Með góðri samvinnu og
samskiptum sem einkennast af
virðingu við nemendur, foreldra
og samstarfsfólk byggir maður
upp gott skólasamfélag sem er
fræðandi, hvetjandi og styðjandi.
Samvinna og samtal eru þættir
sem skila miklu til okkar ásamt
því að skapa traust og samstöðu.
Öflugt skólasamfélag er lykilþáttur
í lífi okkar allra og vellíðan nem-
enda getur skipt sköpum í þáttum
eins og námsárangri. Það þarf að
hlusta og sýna áhuga, fá foreldra til
þátttöku í mjög svo fjölbreyttum
aðstæðum og búa þannig um að
allir séu hluti af sameiginlegri
heild, heild sem hefur það mark-
mið að ala upp börn og ungmenni í
heilbrigðu samfélagi.“
Unnur Elfa segir að það hafi
margoft sýnt sig að starfsfólk,
sem líður vel, skilar árangri og
metnaðarfullu starfi og það eigi
svo sannarlega við í Áslandsskóla.
„Starfsfólk sem nýtur stuðnings
og upplifir traust og skilning á
sín störf nær aukum árangri.
Með ákveðinni festu en jafn-
framt sveigjanleika skapast besta
starfsumhverfið.“
Unnur Elfa bendir á að mikil-
vægt sé að velvild sé til staðar á
vinnustaðnum, framtíðarsýn sé
skýr og að allir viti til hvers sé
ætlast af þeim sem og að einstakl-
ingurinn upplifi öryggi.
„Við þurfum að vera óhrædd
við að gera breytingar sem teknar
eru með upplýstum ákvörðunum
og tryggja að mismunandi raddir
heyrist, vera fyrirmynd og sýna
sanngirni og heiðarleika með því
að láta í ljós skoðanir sínar þó svo
að þær séu ekki alltaf líklegar til
vinsælda. Stjórnandinn þarf í senn
að vera bæði stjórnandi og leiðtogi,
vera hvetjandi, óhræddur við að
deila verkefnum til annarra, fanga
og ýta undir sérstöðu og nýta hæfi-
leika hvers og eins til sterkari fram-
tíðar. Það er mikill mannauður í
skólasamfélaginu sem mikilvægt
að virða og meta.“ n
Fræðandi, hvetjandi
og styðjandi samfélag
Ásdís Auðunsdóttir, forstöðumaður á heimili fyrir fatlað fólk. FRÉTTABLAÐIÐ/VALLI
Inga Fríða
Tryggvadóttir,
leikskólastjóri
hjá Hafnar-
fjarðarbæ.
FRÉTTABLAÐIÐ/
VALLI
Unnur Elfa Guðmundsdóttir, skólastjóri Áslandsskóla. FRÉTTABLAÐIÐ/VALLI
26 kynningarblað 20. janúar 2022 FIMMTUDAGURFÉLAG KVENNA Í ATVINNULÍFINU