Heilbrigt líf - 01.06.1947, Blaðsíða 25
hreyfingu og breytingu á andrúmsloftinu, ætti einnig helzt
að vera loftrifur undir gluggum, yfir eða í sambandi við
miðstöðvarofna, í öllum svefnherbergjum og setustofum,
a. m. k. þar sem þröngrýmt er. Þótt loftrennur bæti mikið
loftumrásina og séu undir vissum kringumstæðum nauðsyn-
legar, hafa þær, eins og áður er getið, ýmsa ókosti, svo
varla verður með rétti krafizt, að þær séu notaðar almennt.
Þeirra verður þó að krefjast, þar sem ekki eru nægilega
stórir gluggar, sem hægt er að opna, og einnig ætíð í
þvottaherbergjum, sorpklefum og þar sem eldað er við
gas að nokkru ráði. Einnig þarf að setja ákvæði um,
hvernig loftræsting skuli vera í matargeymslum, bað-
herbergjum, salernum o. s. frv. I vinnustofum, og þó
einkum í veitingasölum og samkomuhúsum, er venjuleg
loftræsting mjög oft ekki nægileg, og verður þá að
krefjast, að rafknúin loftdæla sé þar stöðugt í gangi,
og þarf að hafa eftirlit með, að svo sé.
Eigendur samkomuhúsa, verksmiðja o. s. frv., hafa víða
séð sér hag í að sjá gestum sínum og starfsfólki fyrir góðri
loftræstingu, því hún eykur vellíðan og vinnuafköst.
Manntalið 1940
Af hverjum 1000 manns búsettum hér á landi voru 12,9 fæddir
erlendis, alls 1562, og er það heldur lægra en við manntalið 1930.
Ríflega helmingur þessa fólks voru íslenzkir ríkisborgarar.
Pæðingarlönd erlendis fæddra voru þessi: Danmörk 650, Fær-
eyjar 89, Noregur 357, Þýzkaland 177, Kanada 80, Bretland 61,
Svíþjóð 46, Bandaríkin 36, önnur lönd 66.
Það voru að heita mátti jafnmargar konur sem karlar. Allur
þorrinn átti heima í kaupstöðum, en aðeins 210 í sveitum eða
þorpum.
Skýrslurnar bera með sér, að í sveitum voru fæddir rúmlega %
landsmanna, en aðeins tæplega % áttu þar heima.
(Hagtíðindi).
Heilbrigt líf
23