Eimreiðin - 01.07.1918, Blaðsíða 122
250
RITSJÁ
[Eimreiðin
FREDERICK W. H. MYERS: PÁLL POSTULI, kvæði. Jakob Jóh.
Smári sneri á íslensku. Bókaverslun Ársæls Árnasonar. Rvík 1918.
Þvi miður er eg ekki kunnugur þessum kvæðabálki á frummálinu, og
get þvi eigi dæmt um það, hve miklum stakkaskiftum ljóðin kunna að
hafa tekið hjá þýðandanum. Höfundur þeirra er hinn alþekti formaður
sálarrannsóknarfélagsins bretska, en hann var og alkunnur sem skáld.
1 rauninni eru þetta fjölda mörg smá-kvæði, sjálfstæð hvert um sig,
en fá þó fyrst fult gildi þegar þau standa studd hvert af öðru. Kemur
þar skýrt fyrir augu lesandans hin mikla trúarhetja Páll postuli, sem
hefir hafnað öllu og metið það sorp, til þess að ávinna dýrðarþunga.
eilífðarinnar. Kvæðunum er ekki unt að lýsa, en hér skal eg birta
eitt þeirra sem sýnishorn, valið nokkum veginn af handa hófi:
Sjáið þið skip á úthafs öldum brenna,
aleinn við loft í stafni sundmann ber
skygnist að hjálp, sem hvergi er unt að kenna,
hendurnar réttir daprar upp frá sér.
Þá mega ei skipsins hryggu heljarlogar
halda’ honum lengur, eins og grein við baðm
djarfur og knár hann kastið hinsta vogar,
kafar í hafsins mikla, breiða faðm.
Eins, ef með skelfing að mér setjast, hóta
æðisleg, rauð af viðþolslausri kvöl,
andlit af mönnum, beiskja nautnablóta,
blina inn i skuggsýnt, náfölt syndaböl.
Þreyttur af harmi eg sit við myrkrið svarta,
sé ekki á neinni bót né linun völ. —
Brýst gegnum farveg einstaks, órós hjarta
örvilnað flóð af gjörvalls heimsins kvöl. —
Lát mig þá sjá, hve útsær eilífs friðar
óendanlegur flæðir kringum mig;
árarnir flýja ótt á báðar hliðar,
alheimnum stekk eg frá og kafa i Þig.
Kvæðabálkur þessi ætti að fá marga lesendur og afla sér mikilla
vinsælda hér á landi, og þýðandinn á þakkir skilið fyrir það mikla
erfiði, sem hann hlýtur að hafa lagt á sig til þess, að koma þessu fagra
og göfuga kvæði á mál vort.
Ytri frágangur kversins er mjög prýðilegur. M. J.
PATREKUR GILLSSON: SÓKNIN MIKLA. Bókaverslun Ársæls
Árnasonar. Rvik 1918. 336 bls.
Það eru engar smáræðis bókmentir, sem ófriðurinn mikli hefir komið