Eimreiðin - 01.07.1918, Blaðsíða 10
138
TÖFRATRÚ OG GALDRAOFSÓKNIR [Eimreiðin
lesa hjá þeim, sem á móti þeim börðust. þeir hafa vafa-
laust líkst mjög hinum töfrunum. Allskonar illvirki var
hægt að 'fremja með þeim, ef galdramaðurinn að eins
kunni nógu mikið fyrir sér. Má meðal annars sjá það
á særingarforsögnum gegn galdramönnum, að þeir hafa
búið til myndir, líkt og lýst er áður hjá villimönnum,
og gert þeim, er myndin var af, tjón lífs eða heilsu með
því að misþyrma myndinni. þeir gerðu og tjón með töfra-
drykkjum, með augnaráði eða áhrinsorðum, og er eftir-
tektarvert að athuga, hve svipaðar myndir hjátrúin klæð-
ist í á ýmsum stöðum, er vér berum þetta saman við nor-
ræna hjátrú í heiðni. Ekkert galdrameðal þótti jafnógur-
legt og áhrinsorðin, álögurnar. Jafnvel guði, verndar-
guði og vættir mátti með því flæma á brott, ef kröftugt
var að kveðið.*
J?ó að afar fljótlega hafi hér verið yfir sögu farið, má
þó sjá hér hjá Kaldeunum aðaldrættina í töfra og galdra-
trúnni, sem alla tíð héldust. Mun þó síðar að því vikið,
að Kaldearnir lögðu hér enn meira til málanna, þvi að þeir
hjálpuðu til að mynda þá heimsskoðun, er styrkti galdra-
trúna.
þessi töfratrú og töfrakenning Kaldeanna fékk fjarska-
lega þýðingu vegna þess, að hún varð undirstaðan og
hyrningarsteinninn undir hjátrúnni í Evrópu. Hún gleymd-
ist ekki, þó að Assýríuríkið liði undir lok, heldur lagði hún
undir sig þjóðirnar hverja eftir aðra, og hélst á þann
hátt óslitin, þó að ýmsar breytingar yrðu auðvitað á henni.
Vísindi Kaldea breiddust fyrst út til Meda. Prestastéttin
þar, magamir (magi) fullkomnuðu kerfið enn þá meira
með því, að þeir bættu ýmsu nýju við frá sjálfum sér.
Persar aftur á móti risu öndverðir gegn öllum áhrifum
* Sbr. það, að Egill vill flæma landvættir á brott með níð-
reisingunni í Herðlu (Egilssaga bls. 171).