Ársrit Ræktunarfélags Norðurlands - 01.01.1983, Blaðsíða 123

lambaláti á Ströndum, en gerð var skýrsla þar um og send í
okt. 1982.
Fengist var lítillega við að athuga ástæður fyrir ullaráti
sauðfjár með athugun sem Hjörleifur Sigurðsson á Græna-
vatni gerði. Hún, ásamt spjalli við ýmsa bændur, bæði nú og
áður, sýnist benda til þess að B-vítamín, og þá m.a. kóbolt-
skortur, geti valdið þessari áráttu. Grunur er á að tengsl séu á
milli ullaráts og lamba sem ganga úr snoði. I þessu efni er þó
nánast um vangaveltur að ræða enn sem komið er.
Starf heimaöflunarnefndar.
Nokkur tími hefur farið í að starfa í tengslum við heimaöfl-
unarnefnd þá er tók til starfa sl. haust, en hana skipa Aðal-
björn Benediktsson, Einar E. Gíslason og Ragnar Jónsson
bóndi í Fjósatungu. Hún markaði sér fljótlega það starfssvið
að vekja menn til umhugsunar um garðrækt og alls konar
heimaræktun og fá fólk með ýmsum ráðum til athafna á því
sviði. Hefur hún haldið þrjá formlega fundi, þar sem m.a.
hefur mætt áhugafólk úr sveitum fjórðungsins til skrafs og
ráðagerða. Hefur Hólmfríður Sigurðardóttir garðyrkjufræð-
ingur á Akureyri sýnt þessu máli áhuga og velvilja með því
m.a. að mæta á tvo fundi nefndarinnar. Öllu þessu fólki er
þakkaður góður stuðningur við málefni þetta og um leið við
Ræktunarfélagið sem slíkt.
Að öðru leyti verður starf nefndarinnar ekki tíundað hér
þar eð skýrsla þar um liggur fyrir frá henni á dagskrá fund-
arins.
Vörusala.
A þessum þætti starfseminnar hefur verið lágt risið á sl. ári.
Eins og fram kom á síðasta aðalfundi var ráðist í samstarf með
Véladeild KEA um þessa þjónustu. Var svo um samið að
RN sæi um að senda pöntunarlista til félagsmanna og sjá um
að senda pantanir samkvæmt þeim erlendis að mestu leyti.
Tæki þá KEA við, leysti út vöruna og sæi um dreifingu til
bænda.
Vörurnar komu á tilskildum tíma til Akureyrar, en síðan
125