Árbók Landsbókasafns Íslands - Nýr flokkur - 01.01.1991, Blaðsíða 110
110
FINNBOGI GUÐMUNDSSON
Fögur varstu í vöku,
fegurri í svefni,
fogur í lífi,
en fegurst í dauða!
Það er sigurmark
saklausrar æsku.
Geisli frá eilífum
andanna heimi.
Breiddu gullindúk
geisla þinna,
hlýjandi himinsól!
á hennar hvílu.
Hljóðlega, hóflega
henni vaggið,
æðandi öldur
á Atlantshafi.
Sæl ertu, Sigríður!
Sála þín vakir,
gleður sig við guðs ljós
og gleðisöng englanna,
sóllöndin himnesku,
Zíon andanna.
Þangað þrái ég
þig að finna.
í ævisögudrögum, í framhaldi af því, er Stephan sagði um
Kristján Jónsson, segir hann svo:
„Einhvern tíma, þegar ég var í Víðimýrarseli, fékk ég lánuð
kvæði Bjarna og Jónasar. Eg man það eitt, að þvert ofan í alla aðra
fannst mér meira um Bjarna en Jónas.“ Hvað sem um það er, er
seinna kvæði Stephans um Sigríði Jónsdóttur ekki síður í ætt við
kveðskap Jónasar en Bjarna, en í því eins og mörgum kvæðum
þeirra er endurómur af Eddukvæðum, bæði að því er tekur til
bragarhátta og orðfæris. Ursvalir Atlantsstraumar minna á úrsval-
ar unnir Völsungakviðu, svo að dæmi sé nefnt.
Stephan hefur sent erfiljóðin um Sigríði heim til frændfólksins á
Mýri og þau varðveitzt þar. En hann hefur eflaust átt uppskrift
þeirra, því að auðséð er, að hann hefur seinna kvæðið fyrir sér,