Skinfaxi - 01.02.1937, Síða 78

78
SKINFAXI
öreiga. Slíkir leita tilbuinnar gleði i hégómlegu glysi eða
skemmdarnautn.
Gefðu æskunni hugsjónir, og þú hefir frelsað hana, skrif-
aði eg vini mínum einum. Það hefir Bifröst gert.
Eg var á samkomu, þar sem fólkið fór heim vonsvikið og
niðurdregið. Dragspilið var bilað og ekkert varð dansað. Það
er dæmi um þá æsku, sem svo er langt leidd frá eðlilegri
æskugleði, að hún getur ekki notið lífsins án tilbúinna hjálpar-
meðala. Bifrastarfólkið liefir getað verndað uppsprettulind
sannrar og saklausrar gleði í hjarta sínu. Það getur skemmt
sér og leikið sér, hvað sem ytri aðbúð líður. Það þarf eng-
in æsandi nautnaefni til að finna fegurð og gleði.
Hér hefi eg lauslega nefnt þrjár ástæður þess, að Bifröst
er gott bindindisfélag. Félagsleg ábyrgðartilfinning er óvenju-
næm, hugðarmál og viðfangsefni mörg og náttúrleg æskugleði
frjáls og óbæld. Þess vegna þykir okkur því vænna um fé-
lag okkar, sem við verðum vitrari og skiljum það betur.
Umf. Bifröst minntist tvítugs afmælis síns 31. janúar síðast-
liðinn. Þar var öllum frjálst að vera ókeypis. Alls komu þar
66 menn. Viðstaddir Bifrastarmenn voru 17. Daníel Ágústínus-
son sambandsritari var þar staddur.
Á samkomunni var lesin saga Bifrastar. Þar flutti Guðm.
Ingi tvö afmæliskvæði. Þar var opinn málfundur, þar sem átta
Bifrastarmenn gerðu grein fyrir því, livað þeir ættu félagi
sínu að þakka: góðar minningar, liolla þjálfun, heilbrigða mót-
un og opinberun dýrmætra hfssanninda. Þar talaði Daniel
Ágústinusson um gildi og starf Bifrastar og umf. almennt.
Auk þess flutti hann þar erindi í tilefni af 1. febrúar. Daginn
eftir flutti hann tvö erindi lijá umf. Önundi.
Á samkomu Bifrastar var ennfremur söngur og dans og
leikir og veilingar. Þar var gleðskapur mikill og góður. Þar
fannst ekki tóbaksreykur.
Skírteini U.M.F.Í.
í áramótasendingu sambandsstjórnar til félaganna voru fé-
lagsskírteini, sern prentuð hafa verið samkvæmt ályktun sið-
asta sambandsþings. Á hver félagsmaður að fá skirteini hjá
stjórn félags síns, sem kvittun fyrir árgjaldi. Verður þess
krafizt framvegis, að menn sýni skirteini, er þeir sækja gesta-
mót og farfuglafundi i Reykjavik og aðrar almennar sam-
komur ungmennafélaga.