Skinfaxi - 01.02.1937, Page 89

SKINFAXI
89
7. Ný kennslutækni: Útvarp, kvikmyndir, grammófónar.
8. Unglingasálarfræðin í þjónustu æskulýðsuppeldis: Markmið,
takmarkanir, aðferðir. — Sérfræðikennsla. — Borgaralegt
uppeldi æskulýðsins. — Menntaskólar og háskólar fyrir
verkamenn og bændur. — Æðri alþýðuskólar. — Gistihæli
unglinga og iþróttalíf almennings. — Alþýðubókasöfn.
Við þessa vísindalegu, viðfeðmu og lifandi fræðslu bætasl
heimsóknir i sérkennlega skóla, skólasýningar og kvikmynda-
sýningar. Þá gefast mönnum einnig tækifæri til að mæta á
öðrum visindalegum þingum, er lialdin verða á sama tima.
Aðgöngukort, sem verðlagt verður síðar, veitir rétt: 1. til
mikils afsláttar á fargjöldum með öllum járnbrautum, með-
an á sýningunni stendur. 2. Til ókeypis aðgangs að sýn-
ingunni. 3. Til afsláttar á húsaleigu. 4. Til rita þeirra, sem
gefin verða út á þinginu.
Vér gefum fúslega allar upplýsingar. Umsóknir má senda
til framkvæmdanefndar þingsins, sem skipuð er af Kennara-
sambandinu. Forseti: André Delmas, ritari: Louis Dumas,
framkvæmdarstjóri: Georges Lapierre.
Móðurmálið.
Hljóðvillur.
Það er kunnara en frá þurfi að segja, að allmargt fólk á
landi hér þekkir ekki greinarmun á hljóðunum e—i og ö—u,
og ruglar þeim því saman og villist á þeim, bæði í ræðu og
riti. Af þessu stafa hin herfilegustu mállýti, sem hverjum góð-
um manni og gæddum sæmilegum smekk, hljóta að vera til
ama og andstyggðar.
Oftast er talið, að málspjöll þessi séu einkum á vissum út-
kjálkum landsins og ekki tiltakanlega útbreidd, en um það
hafa engar fræðilegar skýrslur legið fyrir til skamms tíma.
Og enn er útbreiðsla hljóðvillanna lítt rannsökuð. Einu
fræðilegu tölurnar, sem til eru, um tíðni þeirra um allt land,
eru reistar á rannsókn, sem ritstj. Skinfaxa gerði á prófrit-
gerðum fullnaðarprófsbarna vorið 1934 á vegum fræðslumála-
stjórnar. En sú rannsókn leiddi i ljós þau alvarlegu sannindi,
að af þessum árgangi barna var hartnær fjórði partur, eða
22,6%, hljóðvilltur. Og hljóðvillurnar eiga itök i öllum sýsl-
um landsins, þó að mjög séu þau misjöfn.
Skínfaxi birtir hér kort, er sýnir útbreiðslu og tiðni hljóð-