Andvari - 01.01.1998, Side 28

26
GUNNLAUGUR A. JÓNSSON
ANDVARI
Séra Friðrik Friðriksson í heimsókn hjá prestshjónunum á Selfossi.
Sr. Sigurður taldi sig alla tíð eiga sr. Guðmundi Einarssyni á Mos-
felli (1877-1948) mikið að þakka. Hann gerði honum kleift að læra
undir skóla, og á meðan Sigurður dvaldi hjá honum fékk hann tilboð
frá föður sínum um að taka við hálfu búinu og láta í staðinn af öllum
áformum um að ganga menntaveginn. Faðir hans hafði ekki trú á
Sigurði sem námsmanni. Sigurður bar þetta undir sr. Guðmund sem
svaraði: „Þú skalt ekki taka þessu tilboði ef þú ert núna hræddur um
að sjá síðar eftir því.“ Þetta svar nægði Sigurði til að hafna tilboðinu.
Sigurður var upphaflega einn vetur hjá Guðmundi meðan hann var
að búa sig undir nám og síðan aftur þrjú sumur á námsárunum í guð-
fræðinni þegar hann var orðinn svo þreyttur að hann átti erfitt með
lestur þar sem hann varð að vinna mikið með náminu. Um dvölina
hjá sr. Guðmundi hefur sr. Sigurður sagt að hún hafi verið sér
„ómetanleg uppbygging.“19 Síðar áttu þeir eftir að vinna náið saman,
meðal annars að stofnun Prestafélags Suðurlands árið 1937.20