Andvari - 01.01.1950, Side 14

10
Jón Guðnason
ANDVARI
Jónssonar á Núpi í Dýrafirði, hálfbróður, sammæðra, Brynjólfs
biskups Sveinssonar, en móðir þeirra var Ragnheiður, dóttir Stað-
arhóls-Páls (hróður Magnúsar prúða) og Helgu Aradóttur lög-
manns, Jónssönar biskups Arasonar.
Þau Magnús og Guðrún í Stóru-Vogum urðu ekki eins langæ
og foreldrar hans, en luku þó miklu dagsverki. Guðrún lézt
sama ár og tengdamóðir hennar, rúmlega fimmtug, en Magnús
andaðist tveimur árum síðar en faðir hans, 26. sept. 1857, tæp-
lega sextugur.
Meðal níu barna Magnúsar og Guðrúnar voru: Jón, er bjó í
Stóru-Vogum eftir föður sinn, Eggert stúdent og kaupmaður í
Reykjavík, faðir Jens leikara og bankastjóra, Guðrún, móðir
Eggerts prófasts Pálssonar á Breiðabólstað í Fljótshlíð, og Eyjólf-
ur, er um skeið bjó í Garðhúsum í Vogum. Kona Eyjólfs var
Guðrún Guðmundsdóttir prests á Elólmum í Reyðarfirði, Bjarna-
sonar lögréttumanns í Sviðholti, Halldórssonar hreppstjóra í
Skildinganesi, hróður Þorbjarnar auðga, sem fyrr var getið, og
komu þar saman ættir þeirra hjóna. Én þau voru einnig systra-
börn, því að kona síra Guðmundar á Hólmum og móðir Guð-
rúnar var Halldóra Eggertsdóttir frá Reykholti.
I Ijónin í Garðhúsum, Eyjólfur og Guðrún, urðu skammlíf.
Guðrún lézt 12. apríl 1857, aðeins 28 ára að aldri. Eyjólfur
mun þá þegar eða skömmu síðar hafa brugðið búi, enda þrot-
inn að heilsu. Hann lézt vorið 1863, þá í dvöl á Fitjum í Skorra-
dal hjá mági sínum, Eyjólfi Guðmundssyni, Bjarnasonar. Þau
hjón létu eftir sig tvær ungar dætur: Halldóru (f. 1853; d. 1916),
er fyrr átti Björn í Herdísarvík Eyjólfsson, en síðar Odd lækni
Jónsson (f. k. hans), og Guðrúnu Jakobínu, móður Páls Eggerts
Ólasonar.
Guðrún Jakobína Eyjólfsdóttir var fædd 1. janúar 1855. Eftir
það er kynnum hennar og Óla Þorvarðssonar var slitið, gerðist
hún bústýra hjá frænda sínum, Magnúsi Jónssyni (Magnússon-
ar) Waage. Er talið, að fyrirhugaður hafi verið hjúskapur þeirra