Andvari - 01.01.1950, Síða 38

34
Jón Guðnason
ANDVAIU
XVIII.
Þess mátti vænta um svo atkvæðamikinn starfsmann sem dr.
Pál Eggert, að hann kæmist eigi hjá því að verða kjörinn til
ýmissa opinberra starfa, annarra en þeirra sem tengd voru fræði-
grein hans og embættum. Eigi fara sögur af, að hann hafi, ótil-
kvaddur, haft sig í frammi um afskipti af opinberum málum,
og því síður, að hann hafi knúið á dyr flokka og forustumanna
til þess að fá sér frama veittan á þeirra vegum. Hitt mun frem-
ur, að þeir hafi rennt augum til hans sem vænlegs liðsmanns á
vígvehinum. Haustið 1926 fór fram aukakosning til Alþingis
í Rangárvallasýslu, því að Eggert prófastur Pálsson á Breiðaból-
stað, fyrri þingmaður þess kjördæmis, hafði látist þá um sum-
arið. Dr. Páll Eggert var kunnugur þar eystra, frá því er hann
í æsku dvaldist á Breiðahólstað hjá síra Eggert, frænda sínum.
Var nú leitað til hans um að hann gæfi kost á sér til framboðs
þar fyrir Framsóknarflokkinn. Mun hann hafa tekið því líldega
og kynnt sér nokkuð liorfur þar eystra, en livarf síðan frá því
ráði, ekki þó af ótta við fylgisleysi, heldur sennilega fyrir þá
sök, að honum hafi eigi þótt viðfelldið að sækja fram gegn
andstöðu fylgismanna og vina nýlátins frænda síns. Var og dr.
Páll Eggert aldrei síðar í kjöri við kosningar til Alþingis.
í janúar 1930 fóru fram bæjarstjórnarkosningar í Reykjavík.
Var dr. Páll Eggert annar maður á lista Framsóknarflokksins í
þeim kosningum og var kjörinn bæjarfulltrúi. Sat hann í bæjar-
stjórn til 1933 og var þar kjörinn i fjárhagsnefnd og skólanefnd.
Um opinber störf dr. Páls Eggerts er þess enn að geta, að
árið 1927 var hann skipaður af försætisráðherra í milliþinganefnd
til þess að gera tillögur um ríkisrekstur á útvarpi, og voru þær
tillögur lagðar fyrir Alþingi 1928. í yfirskattanefnd Reykjavíkur
var hann skipaður 1930 og gegndi því starfi æ síðan. Á aðal-
fundi útvegsbankans 1932 var hann kosinn í bankaráð þar og
hélt því sæti til 1936. Formaður happdrættisráðs háskólans var