Kirkjuritið - 01.09.1950, Page 52

204
KIRKJURITIÐ
2. Séra Friðrik Hallgrímsson fyrrum dómkirkjuprestur og
dómprófastur í Reykjavík.
3. Séra Magnús Bjarnarson fyrrum prestur að Prestsbakka
á Síðu og prófastur í V.-Skaftafellsprófastsdæmi.
4. Séra Páll Sigurðsson sóknarprestur í Hólsprestakalli í
Bolungarvík.
5. Séra Theódór Jónsson fyrrum prestur að Bægisá.
6. Séra Þorsteinn Briem fyrrum sóknarprestur að Görðum á
Akranesi og prófastur í Borgarfjarðarprófastsdæmi.
Séra Árni Sigurðsson lézt hinn 20. september s.l.„ aðeins 56
ára að aldri. Hann var fæddur 13. sept. 1893 að Gerðiskoti í
Árnessýslu, sonur Sigurðar Þorsteinssonar bónda þar og konu
hans, Ingibjargar Þorkelsdóttur. Hann lauk embættisprófi í
guðfræði við Háskóla íslands veturinn 1920. Sigldi síðan til
útlanda og stundaði framhaldsnám við háskólana í Kaupmanna-
höfn og Uppsölum, næstu misseri. Var kjörinn fríkirkjuprestur
í Reykjavík árið 1922 og vígður 27. júní sama ár, og gegndi
því starfi til dauðadags.
Séra Ámi var fjölhæfur gáfu- og mannkostamaður, virtur og
elskaður af söfnuði sínum. Hann var snjall ræðumaður, víðles-
inn og hafði næmt auga og eyra fyrir því, sem fegurst er og
stórbrotnast í bókmenntum og ljóðum þjóðarinnar að fomu og
nýju. Hann var prýðilega ritfær og skrifaði margar ágætar
greinar í tímarit og blöð.
Séra Ámi gegndi ýmsum trúnaðarstörfum, meðal annars var
hann prófdómari í guðfræðideild Háskólans frá 1938, og ritari
Prestafélags Islands frá 1936. Hann var og sáttanefndarmaður
í Reykjavík um skeið og átti löngum sæti í framkvæmdamefnd
Stórstúku íslands.
En meginstarf hans var unnið í þjónustu kirkjunnar. Hann
var henni einlægur og góður sonur. Og mér er Ijúft og skylt
að taka það hér fram, að enda þótt hann væri ekki starfsmaður
þjóðkirkjunnar beinlínis, þá á íslenzka þjóðkirkjan honum
margt og mikið að þakka og samstarfið milli fríkirkjunnar og
þjóðkirkjunnar svo gott og ánægjulegt, sem bezt varð á kosið.
Hann var kvæntur frú Bryndísi Þórarinsdóttur prests að Val-
þjófsstað. Er sár harmur kveðinn eigi aðeins að henni og böm-