Kirkjuritið - 01.09.1950, Side 62

214
KIRKJURITIÐ
Enda þótt mikið hafi áunnizt í eflingu kirkjusöngsins á und-
anförnum árum, er þó enn eftir að stofna kirkjukóra í rúm-
lega annarri hverri sókn landsins. Vænti ég þess, að prestarnir
vinni ötullega að því, að nýir kórar verði settir á stofn í þeim
sóknum, þar sem enn hefir ekki verið hafizt handa, því að fátt
stuðlar öllu betur að eflingu kirkjulífsins. Er mér ánægja að
mega fullyrða, að allir þeir prestar, er vinna vilja að þessu
máli, munu þar eiga vísan stuðning og hjálp hins ötula söng-
málastjóra kirkjunnar.
Á síðastliðnu sumri vísiteraði ég Mýraprófastsdæmi og flutti
þar guðsþjónustur í öllum kirkjunum. Guðsþjónustumar voru
yfirleitt mjög vel sóttar og víða kom í ljós einlægur áhugi
safnaðanna á kirkju- og kristindómsmálunum. —
Nota ég þetta tækifæri til þess að þakka prestunum, sóknar-
nefndum og söfnuöum prófastsdæmisins ágætt samstarf og við-
tökur og árna þeim heilla og blessunar Guðs.
Á þessu sýnódusári gafst mér eigi tími til að sækja erlend
kirkjuþing, en ýms slík þing og fundir voru haldin á árinu og
íslenzku kirkjunni boðin þátttaka. Má þar meðal annars nefna
fund Norðurlandabiskupanna í Finnlandi á síðastliðnu sumri.
í Amsterdam var háð fjölmennt alþjóðaþing frjálslyndra guö-
fræðinga dagana 19.—25. júlí, og sótti það af íslands hálfu séra
Jón Auðuns dómkirkjuprestur.
Af kirkjulegum fundum innanlands má nefna Kirkjufundinn,
er haldinn var í Reykjavík dagana 30. október til 1. nóvember
s.L, og var fremur fásóttur, nema úr Reykjavík og Hafnarfirði.
Aðalmál fundarins voru tvö: Biblíulestur og Kristindómurinn
og skólakerfið nýja.
Aðalfundur Prestafélags íslands var haldinn í Reykjavík þann
20. júní 1949. Aðalmálið, sem rætt var á fundinum, var: Nauð-
syn á fræðslu presta um sálsýki. Stjóm félagsins var endur-
kjörin.
Deildir Prestafélagsins hafa alllar verið starfandi og haldið
fundi heima í héruðunum.
Af öðrum kirkjulegum fundum og mótum má nefna: Ársþing
norðlenzkra presta og kennara, er haldið var á Húsavík. Hóla-
dagur haldinn að Hólum í Hjaltadal, hátíð Skálholtsfélagsins í
Skálholti. Mót K.F.U.M. í Vatnaskógi o. fl.