Morgunn - 01.12.1932, Page 91
MORGUNN
217
Kristinn reið, og að öllu leyti eins og hann. Kvaðst hann
hafa séð þetta, er Kristinn reið niður túnið og hefðu þeir
riðið hlið við hlið, meðan hann horfði á eftir þeim.
[Eftir sögn Arnleifar LýðsdótturJ.
Hesturinn í Bauluósi.
Bauluós heitir ós einn milli bæjanna Fjalls og Útverka
á Skeiðum og rennur hann í Hvítá. í ósi þessum sást áður
fyr skepna ein er líktist hesti, móálóttum að lit.
Það var eitt sinn í hríðarveðri að hestar allir komu
heim í Útverkum og stóðu undir húsum og görðum. Þá
var þar vinnumaður að nafni Eiríkur Vigfússon. Gekk hann
til hrossanna, leit eftir þeim og tók á þeim. En með hross-
unum hafði komið heim hestur móálóttur að lit, og skoð-
aði hann hestinn, en þekkti hann ekki og vissi fyrir víst,
að hann var ekki af neinum bæ þar í nágrenni, þvi að
þessi hestalitur var þar ekki til. Eiríkur gengur því inn og
kallar á húsbóndann, sem Jón hét, og biður hann að koma
og skoða hest þenna. Þeir ganga svo báðir til hrossanna.
En er þeir koma þar, sjá þeir ekki hestinn og sást hann þar
aldrei siðan og spurðist hvergi til hans.
Talið var víst, að þetta hefði verið hesturinn úr Bauluósi.
Eiríkur Vigfússon var hæglátur maður og orðvar. Hann
bjó síðar að Ósabakka á Skeiðum og sagði hann frá þessari
sögu.