Íslenskt mál og almenn málfræði - 01.01.1996, Qupperneq 32

30
Aðalgeir Kristjánsson
geir Kristjánsson 1991:82). Önnur sjö ár hafði hann umsjón með
þeirri starfsemi sem orðabókinni tengdist þar til hún var af honum tek-
in og flutt til Englands eins og að framan getur.
Handritið í Bodleiansafninu í Oxford, MS. Icel. C 2-7, erþað eina
sem varðveitir rithönd Konráðs sem höfundar að orðabók Cleasbys.
Auk þess er handritið AM. Access. 2 í Árnasafni. Konráð bauð safn-
inu þetta handrit til kaups með bréfi 8. september 1854 sem greiðslu
upp í 150 dala skuld. Það er 554 blöð í fólíó og kallað: Artikler af R.
Cleasby’s Icelandic-English Dictionary, efter den oprindelige plan}1
Ymsar hendur eru á handritinu, þar á meðal Sigurðar Hansens og
Gunnlaugs Þórðarsonar.
Þegar Björn M. Ólsen undirbjó útgáfu á Efterladte Skrifter Kon-
ráðs Gíslasonar kannaði hann handritið og birti úr því tvö sýnishorn
og bar saman við orðabók Cleasbys. Fyrir valinu varð smáorðið / og
sögnin að standa. Niðurstaða Bjarnar M. Ólsens varð sú að texti orða-
bókarinnar væri fenginn úr handritinu með örfáum undantekningum
sóttum í orðabók Fritzners eða Lexicon poeticum. Villur í handritinu
komi meira að segja aftur fyrir í orðabókinni. Það sem Guðbrandur jók
við var lítilfjörlegt að dómi Bjarnar (Konráð Gíslason 1897:xxii-xiv).
í handriti Cleasbyorðabókar í Bodleiansafninu í Oxford sér handa-
verka Konráðs víða stað. Það er nú bundið í fimm stór bindi — MS. Icel.
C 3-7. Bandið getur ekki verið upprunalegt því að bækumar eru svo fast-
bundnar að erfitt er að lesa textann inn við kjölinn. Rithönd Konráðs
Gíslasonar kemur fyrir meira og minna í öllum bindunum. Meðal ann-
arra rithanda sem höfundur þessarar samantektar þóttist þekkja em rit-
hönd Benedikts Gröndals, Gísla Magnússonar, Halldórs Kr. Friðriks-
sonar og Brynjólfs Snorrasonar. Hvort rithönd Cleasbys kemur fyrir
þyrfti að kanna nánar. Formálar stafanna eru með hendi Konráðs, en
Guðbrandi þóttu þeir svo „magrir“ að honum og Dasent kom saman um
að semja þá upp á nýtt eins og áður getur. Hér verður ekki kveðinn upp
neinn dómur um það hvort þeir höfðu erindi sem erfiði. Fleiri dæmi em
yfirleitt um þau orð sem Konráð skráði en hjá hinum skrifurunum, en í
prentuðu útgáfunni er allmörgum dæmum er sleppt.
17 I handritaskránni stendur: „Indeholder arlikler af K. Gíslason — navnlig
ordbogens vigligste ord — afskrevne til opbevaring her, da ordbogen i den forelobige
redaktion sendtes til England“ (AM. Access. 2).