Íslenskt mál og almenn málfræði - 01.01.1996, Page 160
158
Guðrún Kvaran
hann var að skrifa bók fyrir nemendur sem þegar höfðu einhverja und-
irstöðu í íslenskri málfræði.
4.3 Björn Guðfinnsson
Síðasti málfræðingurinn sem ég nefni er Björn Guðfinnsson. Fyrsta
útgáfa af málfræði hans var samin fyrir íslenskukennslu í útvarpi
1935. Engar verulegar nýjungar eru í framsetningu og beygingarkerf-
inu er lýst á svipaðan hátt og áður.
4.3.1 Nafnorðabeyging
Ef áfram er litið á flokkun nafnorða þá er karlkynsorðum sterkrar
beygingar skipt í tvo flokka, A og B, eftir endingum ef.et. og þf.ft. sem
ekki hafði verið gert áður. Kvenkynsorð skiptast í þrjá flokka, A, B og
C, eftir sömu reglurn og hvorugkynsorð eru sett saman í einn.
(45) Beyging sterkra nafnorða hjá Birni Guðfinnssyni (1935)
1. Karlkynsorð:
A: ef.et. endar á -s, þf.ft. á -a: heimur
B: ef.et. endar á -s/-ar, þf.ft. á -i: dalur
2. Kvenkynsorð:
A: ef.et. og nf./þf.ft. enda á -ar: hlið
B: ef.et. og nf./þf.ft. enda á -ir: ást
C: ef.et. endar á -ar og nf./þf.ft. enda á -ur: bók
3. Hvorugkynsorð: blóm
Eftir A-flokki í karlkyni beygjast orð eins og heimur, himinn, lcehnir en
eftir B-flokki dalur, staður, JJörður, akur. Óreglulega beygingu hafa orð-
in faðir, bróðir og vetur. Bjöm tekur fram að eignarfallsmyndimar föð-
ursins og bróðursins séu rangar, einnig myndin vetrar í nf.ft. í stað vetur.
Beygingardæmi um kvenkynsorð af A-flokki eru hlíð, reyður, á, af
B-flokki ást, sög, verzlun og af C-flokki bók, brú, mörk.
Beygingardæmi um hvorugkynsorð eru blóm, ber og tré.
Umíjöllun um veika beygingu er einföld. Hún skiptist í þrjá flokka
eftir kynjum. Dæmi um beygingu karlkynsorða eru hani, einyrki, nem-
andi, kvenkynsorða tunga, lilja, lygi og hvorugkynsorða auga.