Íslenskt mál og almenn málfræði - 01.01.1996, Page 252
250
Frá íslenska málfræðifélagimi
ritum“, þótt hún sé kannski tiltölulega ný af nálinni hér á landi. Hún
hefur þó verið óbreytt í aðalatriðum frá 2. árg. íslensks máls. Það er
helst að smágreinar og smælki af ýmsu tagi sé ekki lesið bæði af rit-
stjóra og einhverjum öðrum yfirlesara. Þessi aðferð veldur því að til-
gangslaust er að hafa samband við ritstjóra og spyrja sem svo: „Er ég
orðin(n) of sein(n) með að senda þér grein i næsta hefti af tímaritinu?"
Svarið er einfaldlega það að því fyrr sem greinar berast ritstjóra, því
fyrr munu þær birtast að öðru jöfnu. En yfirlesturinn getur tekið
talsverðan tíma og gerir það oftast ef til hans er vandað, þótt það af-
saki auðvitað ekki óhóflegan drátt á því að höfundum berist
athugasemdir og svör til baka.
Yfirlestur greina er vandasamt starf og heldur vanþakklátt. Þeir
sem hafa lesið greinar yfir fyrir tímaritið eftir að undirritaður tók við
ritstjórn eru taldir upp innan á kápu í stað ritnefndar, enda má segja að
þeir séu hverju sinni hin eiginlega ritnefnd. Þótt nafn einhvers sé talið
þarna með, þarf það ekki að merkja að hann hafi lesið yfir einhverja
grein sem er í þessu hefti. Hann gæti eins hafa lesið yfir grein sem
hefur verið hafnað, en sumt af því efni sem þessir málfræðingar lásu
yfir fyrir tímaritið kemur síðar, vonandi strax í næsta hefti. Yfir-
lesurunum er hér með þakkað liðsinnið.
Fyrsta greinin í tímaritinu fjallar um orðabókarstörf Konráðs
Gíslasonar og er eftir Aðalgeir Kristjánsson, fyrrum skjalavörð. Segja
má að þessi grein sé nokkuð annars eðlis en mest af því efni sem birst
hefur í tímaritinu til þessa. Efni hennar er frekar sögulegs eðlis en mál-
fræðilegs og það er von aðstandenda íslensks máls að greinar af þessu
tagi geti stuðlað að því að lesendahópur tímaritsins verði breiðari en
verið hefúr. Næstu greinar (þ. e. greinar Eiríks, Eivinds Weyhes, Guð-
rúnar og Kristjáns) eiga rætur sínar að rekja til erinda sem höfundar
fluttu á Rask-ráðstefnu íslenska málfræðifélagsins og Málvísinda-
stofnunar í janúar 1996 (sjá pistil formanns íslenska málfræðifélags-
ins hér i heftinu). í næsta hefti koma vonandi fleiri greinar sem þaðan
eru runnar.
Næstu greinar fjalla allar um orðfræði af einhverju tagi og hafa því
verið dregnar í sérstakan dilk. Að þessu sinni hefur engin grein verið
sett í flokkinn „Flugur“, sem annars hefur yfirleitt verið í tímaritinu.
Hins vegar er von á nokkrum flugum í næsta hefti. Fyrirsögn orð-