Andvari - 01.01.2011, Blaðsíða 70

68 SIGURÐUR PÉTURSSON ANDVARI
um bréfaskriftir frá Kaupmannahöfn. Þar að auki sinnti Jón margvíslegum
útréttingum í Kaupmannahöfn fyrir stuðningsmenn sína í ísafjarðarsýslu,
sem og aðra. Slfk þingmannaviðvik og greiðasemi hafði þá ekki fengið á sig
neikvæðan stimpil. Enda var Jón ekki í opinberri stöðu og ekki í stjórn sjóða
eða banka og varla verður hann sakaður um kjördæmapot, því greiðasemi
hans var ekki bundin við fólk úr hans eigin kjördæmi.13
I Kaupmannahöfn áttu viðdvöl til lengri og skemmri tíma margir landar
Jóns og hann byggði upp það sem nú væri kallað víðtækt tengslanet. Kaup-
menn, sem einhvers máttu sín, höfðu vetursetu í Kaupmannahöfn til að
sinna viðskiptum. Ungir karlmenn sigldu til náms í höfuðborginni í Kaup-
mannahafnarháskóla eða í iðnnám, verslunarnám og skipstjórnarnám. Þannig
kynntust margir Jóni persónulega og urðu fyrir áhrifum af honum. Nefna má
til dæmis kaupmennina Ásgeir Ásgeirsson og Lárus Á. Snorrason á ísafirði
og Hjálmar Jónsson og Torfa Halldórsson á Flateyri. Jón Sigurðsson hélt
uppi tengslum við stuðningsmenn sína í Isafjarðarsýslu, á Vestfjörðum og um
allt land með víðtækum bréfaskriftum og með persónulegum tengslum við
menntamenn, kaupmenn og aðra íslendinga sem dvöldu í Kaupmannahöfn.
Hann þurfti ekki að heimsækja kjördæmi sitt til þess.
Jón Sigurdsson heilsaði tvisvar upp á kjósendur
Alþingi kom saman í fyrsta sinn í Reykjavík sumarið 1845. Jón Sigurðsson
sigldi þá til íslands í fyrsta sinn frá því hann yfirgaf ættjörðina tólf árum fyrr
og notaði ennfremur ferðina til að giftast heitkonu sinni, Ingibjörgu Einars-
dóttur, sem beðið hafði hans alla þessa löngu og erfiðu vetur. Hafa menn velt
vöngum yfir þeirri ráðabreytni Jóns að sinna ekki meira um unnustu sína
þessi tólf ár, en það er önnur saga. Áður en Jón settist á þing sumarið 1845
lét hann verða af því að ferðast vestur í kjördæmi sitt. Við vitum að hann fór
landveg vestur um, sótti heim frænda sinn og tilvonandi mág, séra Ólaf á Stað
í Reykhólasveit, átti fund með þremur bændum í Kollafirði í Gufudalssveit og
heimsótti foreldra sína á Rafnseyri.14 Jón dvaldi aðeins nokkra daga á æsku-
slóðum, en væntalega hefur hann hitt fyrir bændur í nágrenninu. Þá hélt hann
norður yfir Hrafnseyrarheiði í Dýrafjörð, um Gemlufallsheiði í Önundarfjörð
og Breiðadalsheiði til ísafjarðar. Þetta var í fyrsta sinn sem Jón Sigurðsson
kom til ísafjarðar og í fyrsta sinn sem hann hitti heitustu stuðningsmenn sína,
varaþingmanninn Magnús Einarsson á Hvilft og Gísli Ivarsson verslunarþjón
á Isafirði. Á ísafirði hélt Jón kjósendafund, áður en hann hélt áfram ferð
sinni inn Djúp og yfir í Strandasýslu þaðan sem hann varð samferða þing-
manni Stranda, Asgeiri Einarssyni, bóður Magnúsar á Hvilft, til hins fyrsta
Alþingis.15 Jón Sigurðsson var eini þingmaðurinn sem hélt opinberan fund