Ritið : tímarit Hugvísindastofnunar - 01.01.2007, Blaðsíða 175

ÚTRÁS ÍSLENDINGA OG HNATTVÆÐING HINS ÞJÓÐLEGA
Magni
Aðeins nokkrum mánuðum eftir grátlegan ósigur í Eurovision varð ann-
ar Islendingur að þjóðareign. I þessu tilfelli er enginn samstálltur hópur
höfunda sem stóð að baki honum (að minnsta kosti ekki svo vitað sé),
heldur er um að ræða val bandaríska sjónvarpsþáttarins Rockstar
Supemova á tónlistarmanninum Guðmundi Magna Asgeirssyni sem
þátttakanda í þættinum. Umræða mín hér snýr vel að merkja ekki um
persónu Magna sjálfs, heldur ímynd hans í gegnum þátttökuna í Rock-
star Supemova og merkingu hennar í íslensku samfélagi, þ.e. ímynd sem
hann kynnti að einhverju leyti af sjálfum sér og var blásin út og mögnuð
af fjölmiðlum. Magni hafði reynt fyrir sér sem fulltrúi Islands í Euro-
vision en þá lotið í lægra haldi fyrir Silvíu Nótt sem fulltrúi þjóðarinnar
á erlendri grundu.
Bakgrunnur Magna sýnir fjölskylduföður, hreykinn af uppruna sínum
og heimahögum. Magni hafði spilað með hljómsveit sinni A móti sól sem
sérhæfði sig í sveitaböllum, sem undirstrikar tengsl hans við þjóðlegan
íslenskan veruleika. Þrátt fyrir að Magni hafi ekki verið að stíga sín
fyrstu skref á tónlistarferli sínum í Rockstar Supemova virðast þó margir
Islendingar hafa uppgötvað hann í gegnum sjónvarpsþættina. Magni
stökk fram í Rockstar Supernova sem sveitastrákurinn úr rómantískum
bókmenntum Islendinga fyrr á árum, sá sem sigrar heiminn með góð-
mennsku og heilindum. A Magnavöku sem haldin var á sjónvarpsstöð-
inni Skjá einum í kringum seinustu Rockstar-\>ættina voru sýnd myndbrot
úr æsku Magna, talað við fjölskyldumeðlimi hans og lögð áhersla á hann
sem fyrirmyndardreng. Magni birtist sem andstæða Silvíu á næstum all-
an hugsanlegan hátt; rólegur og íhugull með báða fætur á jörðinni.
Áhersla hans sjálfs og fjölmiðla á sterk tengsl við fjölskyldu sína styrkir
enn frekar þessa ímynd hans. I þáttunum var oft komið inn á söknuð
Magna eftir syni sínum og sáu þáttastjórnendur sér greinilegan hag í
þessari tengingu því þeir buðu eiginkonu hans og syni í óvænta heim-
sókn á setrið sem tengdi fjölskyldu Magna enn ffekar við ímynd hans.
Ahrif Magna á íslenska þjóðarsál endurspeglast í því mikla hópefli eða
þjóðarátaki sem fór af stað þar sem allir sem einn áttu að tryggja að
Magni félli ekki úr leik og úr þættinum. Tölvupóstsendingar og farsíma-
póstur fór sem eldur í sinu með afslætti símafyrirtækja (trúlega vegna
þess að þau vildu að neytendur litu svo á að þau væru líka að leggja eitt-
U3