Frjáls verslun - 01.10.2006, Blaðsíða 44

44 F R J Á L S V E R S L U N • 1 0 . T B L . 2 0 0 6
fyrir Ferðamálaráð. Sigrún gekk til liðs við
Sjálfstæðisflokkinn árið 2002, tók sæti í Bæj-
arstjórn Akureyrar sama ár. Hún situr jafn-
framt í bæjarráði, framkvæmdaráði, stjórn
Fasteigna Akureyrarbæjar og er formaður
stjórnar Akureyrarstofu. Sigrún tók við for-
mennsku í stjórn Iðnaðarsafnsins árið 2004
og er varamaður í skólanefnd VMA.
Hún var skipuð af menntamálaráðherra
í undirbúningsnefnd vegna 200 ára afmælis
Jónasar Hallgrímssonar og skipuð í stjórn
Atvinnuleysistryggingasjóðs 2005 og er vara-
maður í stjórn Vinnumálastofnunar frá sama
S I G R Ú N B J Ö R K J A K O B S D Ó T T I R Í N Æ R M Y N D
„Ég kynntist Sigrúnu þegar við vorum í
námi í hótelstjórnun í Sviss,“ segir Kristín
Petersen sem starfar hjá fjármálasviði
Marel. „Við Sigrún urðum fljótt góðar
vinkonur og erum það enn í dag. Sigrún er
mikill vinur vina sinna og fyrsta manneskja
til að rétta fram hjálparhönd ef eitthvað
bjátar á. Hún er sjálfstæð í hugsun og
fljót að sjá kosti fólks og hikar ekki við að
hrósa því fyrir það sem vel er gert en jafn-
framt er hún ófeimin við að benda fólki á
það sem betur mætti fara.
Sigrún var afskaplega vinsæl meðal
samnemanda sinna í hótelskólanum og
ekki minnkuðu vinsældir hennar við það
að hún kunni að blanda einstaklega góða
margarítu. Hún var með blandara uppi á
herbergi og var sífellt að gera tilraunir með
drykkinn góða og var hún valin í árbók
skólans sem sá nemandi sem líklegastur
væri til að ná langt í starfi.
Á heimavistinni giltu útivistareglur, ein
þeirra gerði ráð fyrir að nemendur væru
komnir upp á herbergi fyrir miðnætti á
virkum dögum og húsinu læst. Brot á
reglum var litið alvarlegum augum og
væru nemendur uppvísir að þeim fengu
þeir áminningu og heildareinkunnin var
lækkuð. Við komumst fljótlega upp á lag
með að skríða inn um glugga á vistinni ef
við komum of seint heim og notuðum þá
leið óspart.
KRISTÍN PETERSEN:
„Við sluppum með skrekkinn“
Kristín Petersen, starfsmaður á fjármála-
sviði Marels.
tíma. Sigrún var formaður samstarfsnefndar
um sameiningu Eyjafjarðar 2005. Hún er
formaður stjórnar Sjónlistar – íslensku sjón-
listarverðlaunanna sem voru veitt á Akureyri
í fyrsta skipti nú í september, og formaður
stjórnar Amtmannssetursins á Möðruvöllum.
Þrátt fyrir miklar annir lauk Sigrún námi í
nútímafræðum frá Háskólanum á Akureyri
árið 2001, og lauk stjórnunarnámi á vegum
Eyþings og Símenntunar HA síðastliðið vor.
Auk vinnunnar segist Sigrún hafa mörg
áhugamál. ,,Ég hef áhuga á stjórnmálum,
lífinu og tilverunni, listum og framandi
menningarheimum auk þess sem ég les mjög
mikið, bæði skáldsögur, ljóð og rit um
félagsvísindi. Ég hef mjög gaman af að fara
á skíði, í sund, út að ganga og svo kynntist
ég golfíþróttinni í fyrra og á örugglega eftir
að leggja rækt við hana í framtíðinni. Við
hjónin eigum nokkra hesta en því miður
er ég með grasofnæmi og get því ekki sinnt
þeim eins og ég vildi. Við erum nokkuð sam-
stíga í okkar áhugamálum en setjum börnin í
forgang og dundum okkur mikið saman. Við
höfum bæði áhuga á matargerð og það eru
reglulega matarboð með góðum vinum.“
Að sögn Sigrúnar blundar enn í henni
löngun til að ferðast og þegar hún verður
hætt að vinna segist hún ætla að finna gamla
bakpokann og fara aftur á flakk. ,,Ég á til
dæmis eftir að heimsækja Suður-Ameríku og
Afríku og það bíður efri áranna – spurning
hvort 600 krónurnar á dag dugi þá.“
Sigrún Björk Jakobsdóttir tekur við stöðu
bæjarstjóra á Akureyri 9. janúar 2007. Hún
segist vera mjög ánægð með störf fyrirrenn-
ara síns í starfi og ætla að halda áfram á sömu
braut. ,,Það er óhjákvæmilegt annað en
að áherslurnar breytist eitthvað, sérstaklega
þegar kona tekur við af karlmanni.“
Hún segir að eins og staðan sé í dag hafi
hún ekki í hyggju að snúa sér að lands-
málunum. ,,Ég hef mikinn áhuga á sveitar-
stjórnarmálum þar sem þau standa fólki
nærri og skipta það máli. Akureyri býður
upp á mörg spennandi tækifæri og við sem
sitjum í bæjarstjórn ætlum að halda áfram á
þeirri góðu braut sem mörkuð hefur verið.
Ég hlakka mikið til að láta til mín taka í nýju
starfi án þess að ég ætli að boða til neinnar
byltingar.“
Einu sinni vorum við nokkur saman á
leiðinni heim en stoppuðum á veitinga-
húsi og fengum okkur bjór eða léttvín.
Klukkan var orðin tvö þegar við loksins
komumst upp á vist og skriðum inn um
gluggann. Um morguninn sáust greinileg
merki um að einhverjir nemendur hefðu
komið of seint og við lágum sterklega
undir grun. Sigrún vaknaði fyrst og frétti
að það ætti að taka okkur á teppið. Hún
skellti sér því í sturtu, klæddi sig upp
í dragt og háhæla skó og setti á sig
rauðan varalit. Því næst heimsótti hún
okkur hvert og eitt og ráðlagði að hafa
okkur til. Herbragðið dugði og það trúði
því enginn að þetta hefðum verið við
þar sem við litum svo frísklega út. Við
sluppum með skrekkinn.“
Þær þvældust eftir
stúdentsprófið um Evrópu,
Indland, Kína, Ástralíu,
Nýja-Sjáland, Fídjíeyjar og
Hawaí og að lokum um þver
og endilöng Bandaríkin.
Dvölin á Indlandi var
mesta reynslan.
Þyrping hf, Hátúni 2b, 105 Reykjavík
594 4200
594 4201
thyrping@thyrping.is
www.thyrping.is
sími
fax
netfang
vefslóð
þróunarfélag property development
Þyrping reisir sérhannað 12000m² skrifstofuhúsnæði að Borgartúni 26.
Bílastæði verða annars vegar í bílageymslu undir húsinu fyrir um 200 bíla
auk bílastæða við bygginguna.
Húsnæðið skiptist í tvo misháa hluta, 8 hæðir vestan megin og 5 hæðir
austan megin. Á jarðhæð verður verslun og þjónusta en á öðrum hæðum
hússins er gert ráð fyrir skrifstofu- og þjónustustarfsemi. Húsnæðið verður
sérhannað út frá þörfum framsækinna fyrirtækja með frábæru útsýni.
Húsnæðið afhendist tilbúið til innréttinga vorið 2007.
Á vefsíðu Þyrpingar, www.thyrping.is, er að finna frekari upplýsingar auk
ítarlegra teikninga af húsinu í heild og einnig hverri hæð fyrir sig.
Frekari upplýsingar eru gefnar á skrifstofu Þyrpingar í síma: 594 4200.
Til leigu:
Glæsilegt skrifstofuhúsnæði
í hjarta helsta fjármálahverfis
Reykjavíkur
norður
vestur
suður
austur
hz
et
a
eh
f