Frjáls verslun - 01.10.2006, Blaðsíða 48

48 F R J Á L S V E R S L U N • 1 0 . T B L . 2 0 0 6
Scotland, Barclays og Lloyds. Best sé að dreifa viðskiptunum
á nokkra banka.
Baugur á sem fyrr segir 35% í House of Fraser. Meðal
annarra sem eiga í fyrirtækinu eru Don McCarthy sem
verður stjórnarformaður félagsins.
Hann var áður aðaleigandi Rubicon
Retail sem nýverið var selt til Mosaic
Fashion, eignarhaldsfélags sex tísku-
fyrirtækja og nokkurra skófyrirtækja
í eigu Baugs. Þá er Stefan Cassar,
nýr fjármálastjóri House of Fraser
og fyrrum fjármálastjóri Rubicon
Retail, í kaupendahópnum. Einnig
má nefna FL Group, Kevin Stan-
ford, Bank of Scotland og skoska
fjárfestinn Tom Hunter. Þetta er samannjörvaður hópur sem
hefur komið að fleiri enskum fjárfestingum Baugs.
„Þetta er þéttur og góður hópur sem hefur oft áður unnið
saman og við þekkjumst vel,“ segir Gunnar. „Allir þessir fjár-
festar hafa til að bera mikla þekkingu, reynslu og víða sýn á
verslunarrekstur. Þeir hafa því allir eitthvað fram að færa fyrir
svona verkefni.“
Hvernig var fjármögnun kaupanna á House of Fraser
háttað?
„Hún var með hefðbundnum hætti, skuldsett á móti rekstri
og fasteignum sem House of Fraser á. Þetta félag á reyndar
ekki mikið af fasteignum, ólíkt ýmsum öðrum fyrirtækjum
sem við höfum keypt. Það er mikill styrkur í fasteignum og
þær hafa líka gefið góð tækifæri til fjárfestinga.
Fjörutíu prósent af kaupverðinu er eigið fé en fjármögnun
er síðan stillt af miðað við hvað sjóðstreymið þolir. Oft
er skuldsetning við svona kaup þrisvar til fjórum sinnum
„ebidta“. Við ætlum hins vegar að opna fjórar nýjar búðir
á næstu árum. Þar sem við þurfum að leggja fé í að hressa
upp á búðir í eigu félagsins stilltum við skuldirnar af þannig
að reksturinn þoli þær örugglega – sem og frávik frá við-
skiptaáætlun okkar.
Kaupverð hlutabréfanna var um 45 milljarðar króna og
þegar skuldir og eignir eru reiknaðar með var verðið um 91
milljarður króna. House of Fraser var almenningshlutafélag,
stærsti eigandinn átti 4% þar til við keyptum 10% hlut í apríl
á þessu ári. Eftir kaupin eigum við allt félagið sem nú hefur
verið afskráð.“
Hvað er stórt teymi sem kemur að jafnviðamiklum samn-
ingum og kaupunum á House of Fraser og hvernig er
vinnuferlið?
„Það er heljarstórt teymi. Það er byrjað að semja við stjórn
félagsins um verð áður en bækurnar eru opnaðar. Bækurnar
eru síðan skoðaðar, litið á fjárreiður, lífeyrissjóðsmál, skatta-
mál og markaðs- og samkeppnisstaðan skoðuð. Þegar kemur
að því að skjalfesta samningana er komið að lögfræðingunum,
bæði okkar lögfræðingum og lögfræðingum félagsins. Alls eru
þetta meira en hundrað manns.
Við vinnum ekki alltaf með þeim sömu, samanber bank-
ana – en í þetta skiptið var það PriceWaterhouseCooper
sem sá um áreiðanleikakönnun og lögfræðingarnir voru frá
lögfræðistofunni Allen & Overy sem við höfum áður unnið
með. Það er í allt stór hópur sem kemur að svona samningi og
mjög jákvætt að menn hafi unnið saman áður.“
Hvaða breytingar ætlið þið að gera á rekstri House of Frasers?
„Félagið er þekkt nafn með ágæta stöðu, en veikleikinn er að
það er svolítið þreytt að sjá – maður þarf ekki annað en að líta
á búðina í Oxfordstræti, á milli Debenhams og John Lewis,
til að sjá þreytumerkin. Það vantar meiri kraft. Við stefnum
á að gera ímynd þess ferskari. Breskur hlutabréfamarkaður
gerir kröfu um stöðuga söluaukningu sem getur leitt til
skammtímasjónarmiða. Við getum hins vegar hugsað til
B A U G U R Í B R E T L A N D I
Goldsmiths; úr og skartgripir.Karen Millen; tísku- og fataverslanir. Coast; tískufatnaður.
Við vinnum ekki alltaf með
þeim sömu, samanber bankana
– en í þetta skiptið var það
PriceWaterhouseCooper sem
sá um áreiðanleikakönnun
og lögfræðingarnir voru frá
lögfræðistofunni Allen & Overy.