Frjáls verslun - 01.10.2006, Blaðsíða 121

F R J Á L S V E R S L U N • 1 0 . T B L . 2 0 0 6 121
Í San Francisco mæli ég með:
1. Gönguferð um Kínahverfið og málsverð
þar að kvöldi.
2. Gönguferð eftir Columbus stræti – sem
nær frá fjármálahverfinu að Sjóminja-
safninu (Maritime Historic Park). Þarna
er m.a. Ítalska hverfið og kjörið að
bregða sér inn á veitingastað þar í
hádeginu og fá sér léttan bita. HM í
knattspyrnu var á þeim tíma sem við
vorum þarna – og Ítalarnir voru
spenntir.
3. Dagsskoðunarferð sem felur m.a. í sér
siglingu út að Golden Gate brúnni og
í kringum eyjuna Alcatraz. (Munið að
panta tímanlega.)
4. Ökuferð yfir Golden Gate brúna.
5. Ökuferð um hæðirnar, sérstaklega
Pacific Heights. Margar kvikmyndir
hafa verið gerðar á þessum slóðum.
6. Chirradelli Square. Þar var áður
súkkulaðiverksmiðja, en er núna iðandi
torg veitingastaða og verslana.
7. Gönguferð um miðbæinn; t.d. að Union
Square. Fínt að líta þar inn í verslanir
og rölta síðan niður í fjármálahverfið.
Ganga t.d. niður að skýjakljúfinum
Bank of America og Transamerica Tower
– en það er pýramídalagaður turn sem
fangar athygli allra og sker sig úr öðrum
byggingum í fjármálahverfinu og setur
sterkan svip á borgina.
8. Skoðunarferð í Japanska tegarðinn
(Japanese Tea Garden). Blómlegur
garður.
9. Að taka leigubíl upp að ráðhúsinu, City
Hall. Rölta um svæðið og virða fyrir sér
byggingar eins og San Francisco Museum
of Modern Art, Herbst Auditorium og
Óperuhúsið.
10. Að taka leigubíla – oftar en ekki.
Hæðirnar í San Francisco taka í og
brekkurnar eru snarbrattar. Einnig er vel
þess virði að taka bílaleigubíl, a.m.k. í
einn dag, og aka um borgina og næsta
nágrenni hennar.
Þrátt fyrir að við værum á bílaleigubíl létum
við ekki verða af því að aka í norðurátt, upp
í Napa- og Sonomadalina, en þar eru yfir
150 vínframleiðendur og kjörið að fara í vín-
smökkun. Eða þá að aka yfir til Oaklands,
Berkley og Silicon Valley; hinum megin við
flóann, en Silicon Valley er þekktur sem
vagga hátækni-iðnaðarins og það svæði í
Bandaríkjunum sem hefur vaxið hraðast.
Steinsnar þaðan er Palo Alto, en í þeim bæ er
Standford háskólinn.
Við sáum svolítið eftir því að gefa okkur
ekki dag í viðbót í San Francisco og skoða
þessa staði. En málið var að við vorum á leið
í suðurátt, eftir EINUM, og þangað hvarfl-
aði hugurinn eftir fjögurra daga dvöl í borg-
inni sem við höfðum skoðað og þrætt býsna
vel. Ferðinni var heitið til Monterey. Það er
stórkostlegt svæði. Og þangað liggur „beinn
og breiður vegur“! Einn.
Monterey-flóinn Þetta er stórskemmtilegt
svæði. Við höfðum fengið hástemmdar lýs-
ingar á því áður en við fórum í þessa ferð og
það stóðst væntingar. Bæirnar þarna eru hver
öðrum fallegri; Santa Cruz, Monterey og
Carmel. Saga Monterey helgast ekki síst af
því að borgin var höfuðborg svæðisins þegar
það var hluti af Mexíkó. Monterey-flóinn
er þekkt golfsvæði og státar af 14 fallegum
golfvöllum – þekktastir þeirra eru á Pebble
Beach svæðinu.
Í Monterey hefur tekist ágætlega að varð-
veita arkitektúr 19. aldarinnar. Höfnin og
Monterey-flóinn setja mestan svip á bæinn.
Þarna er aragrúi af fallegum skútum. Þarna
má finna gamlar niðursuðuverksmiðjur,
Cannery Row, þekktar fyrir að sjóða niður
sardínur. Á þeim slóðum gerist samnefnd
skáldsaga Johns Steinbecks sem í íslenskri
þýðingu heitir Ægisgata. Sædýrasafnið í
Monterey er í heimsklassa.
Ég hlakkaði hins vegar mest til að aka „17
mílna hringinn“ í kringum Pebble Beach
svæðið, en á því eru 5 þekktir golfvellir. Þeir
eru; Pebble Beach Golf Links (en þar fer
fram AT&T mótið – mót atvinnumanna og
áhugamanna sem yfirleitt eru þekktir leik-
arar); Spyglass Hill; The Links At Spanish
Bay; Poppy Hills Golf Course og Peter Hay
Golf Course.
Það er hægt að aka á nokkrum stöðum inn
á „17 mílna hringinn“. Þetta er einkavegur og
F E R Ð A L A G
Gullna hliðið. Golden Gate brúin. Mikil þoka er við ströndina um hásumarið í San Francisco
og því er best að skoða borgina á haustin.