Frjáls verslun - 01.10.2006, Blaðsíða 120

120 F R J Á L S V E R S L U N • 1 0 . T B L . 2 0 0 6
Gamla gullborgin í gullfylkinu við stóra
flóann hefur auðvitað sitt gullna hlið, eða
Gullinbrú, líkt og þeir í Grafarvogi; The
Golden Gate Bridge. Brúin var lengi vel
stærsta brú í heimi og eitt helsta einkenni
San Francisco – og í stuttri siglingu frá eyj-
unni Alcatraz, en þar var lengi vel eitt ramm-
gerðasta fangelsi í Bandaríkjunum.
Í hafnarborginni San Francisco er stórt
hverfi, Fisherman’s Wharf, þar sem fiski-
lyktin læðist um í loftinu. Það er stórkostlegt
að fara þangað og bragða á krabba eða
bara fá sér fiskisúpu. Sjávarfangið blasir við.
Fisherman’s Wharf er þriðji vinsælasti ferða-
mannastaður í Bandaríkjunum, á eftir Time
Square í New York og Disney-landi.
Við vorum í San Francisco fjóra daga
áður en við hófum hið eiginlega ferðalag
okkar niður með ströndinni til Los Angeles
– eftir EINUM. Ég mæli með tvenns konar
skoðunarferðum um borgina, dagsferð á
alla helstu staði borgarinnar og stuttri og
snaggaralegri ferð með sporvagni; en það eru
farartæki sem setja sterkan svip á umferðina í
borginni og eiga sér þar langa sögu.
Skýjakljúfurinn Bank of America og Transamerica Tower, pýramídalagaður turn sem sker sig úr öðrum byggingum í fjármálahverfinu,
setja sterkan svip á borgina.
Snarbrattar brekkur San Francisco hafa oftar en ekki verið sögusvið kvikmynda.