Frjáls verslun - 01.10.2006, Blaðsíða 52

52 F R J Á L S V E R S L U N • 1 0 . T B L . 2 0 0 6
B A U G U R Í B R E T L A N D I
Það verður áfram gríðarleg samkeppni um hvert pund
neytenda, ekki síst af því að verslunarrými hér er líka að
aukast. Þá skiptir máli að vera með góð vörumerki og góða
stjórnendur sem hafa góðar viðskiptahugmyndir.“
Á Íslandi hefur formúlan í Bónus verið góð upplýsingatækni,
frábært verslunarkerfi, lágt vöruverð og snerpa í samkeppninni.
Hefur ykkur tekist að koma þessari formúlu inn í búðirnar
ykkar í Bretlandi?
„Okkur hefur tekist það mjög vel, en í rekstrinum hér er
reyndar lágt vöruverð aðeins viðmiðun okkar í Iceland-keðj-
unni og MK One.
Okkar styrkur er að Jón Ásgeir er
„einnar blaðsíðu“-stjórnandi; álítur að
það skipti öllu máli að hafa réttu upp-
lýsingarnar tiltækar og trúir á einfald-
leika í rekstri. Þá skiptir miklu að
hafa gott upplýsingaflæði um það sem
skiptir máli.
Sem dæmi má nefna að þegar við
tókum yfir Big Food Group fékk
stjórnin í hendurnar 170 blaðsíðna
skýrslu sem enginn lauk við að lesa,
auk þess sem þurfti fjölda manns til að
vinna skýrsluna. Í dag er þessi skýrsla
25 blaðsíður, það á ekki að taka lengri
tíma en 45 mínútur að fara í gegnum hana og allar lyk-
ilupplýsingar á einu blaði svo maður sér strax það sem máli
skiptir. Þegar við gerum viðskiptaáætlun setjum við líka allar
lykilupplýsingar á eina síðu svo að þar komi fram allt sem
maður þarf að vita.
Upplýsingatæknin hjá Högum er fyrirmynd okkar og við
vinnum að því að koma því inn hjá okkur hér. Við förum
heim til Íslands með stjórnendur í fyrirtækjum okkar hér
úti til að sýna þeim hvernig þetta lítur út í raun og það
hefur orðið þeim til góðs að sjá hvernig við gerum þar og þá
hverju við viljum ná fram hér. Jafnvel reyndir menn verða
mjög hrifnir af framkvæmdinni í verslunum okkar heima.
Það er mikill munur á standördum hér og heima. Við viljum
koma því, sem tíðkast heima, á hér því að okkur finnst það
algjörlega á heimsmælikvarða.“
Hvernig er samstarfi ykkar Jóns Ásgeirs háttað?
„Við höfum þekkst lengi, vorum saman í Verslunarskólanum
á sínum tíma. Meðan ég vann hjá Íslandsbanka kom ég að
verkefnum Baugs hér, fyrst Arcadia-verkefninu svo að ég hef
verið tengdur enskum verkefnum Baugs frá upphafi þó að
það hafi verið í annarri stöðu framan af.
Við tölum saman á hverjum degi – umsvif Baugs eru orðin
viðamikil, bæði á Íslandi, Englandi og í Danmörku, svo að
Jón Ásgeir er mikið á ferðinni. Það eru líka mikil tölvupósts-
samskipti okkar á milli. Hann er með í öllu sem við gerum en
það má ekki gleyma að Baugur er ekki stórt fyrirtæki í sjálfu
sér, bara 35 manns sem vinna hjá fyrirtækinu, þó verkefnin
séu stór.“

Nú er verið að selja Wyndeham, prentfyrirtæki sem Dagsbrún
keypti í mars, og þar á Baugur hlut í. Var þetta fyrsta skrefið
inn á fjölmiðlamarkaðinn hér sem síðan tókst ekki?
„Þar sem Baugur á aðeins hlut í Dagsbrún tengist þessi
sala okkur ekki beint. Okkar fókus hér er smásala. Baugur
stefnir ekki að því að verða fjölmiðlafyrirtæki hér í náinni
framtíð – en hver veit hvað verður? Núið hjá okkur snýst um
smásölu og fasteignir því að það gerum við vel eins og dæmin
sanna.“
Baugur í Englandi missti af því að vera með í kaupunum á
Somerfield vegna málaferla gegn nokkrum eigendum Baugs
á Íslandi. Hvernig horfir við þér nú að hafa misst af þessum
samningi? Var þetta óheppilegt hliðarspor eða eru áhrifin meiri?
„Þetta var auðvitað ekki sú niðurstaða sem við vonuðumst
eftir og varð hliðarspor af því að við komumst ekki alla leið,
en við högnuðumst um fjóra milljarða króna á sölu hlutabréf-
anna sem var auðvitað sárabót.
Þetta varð enginn varanlegur hnekkir fyrir okkur, en var
sannarlega óheppilegt því að það hafði farið gríðarleg vinna
í aðdraganda kaupanna. Auðvitað hefðum við fengið mun
meira ef við hefðum getað verið með í sjálfum kaupunum, en
við erum ekki í því að spá í „ef“ og „hefði“. Þessi málalok eru
þó auðvitað dæmi um hvernig dómsmálin hafa skaðað okkur
þó að við græddum á sölunni.
Verða málaferli í kjölfar þessa?
„Það er ekki mitt að ákveða, ég veit ekki hvað verður. Ef við
hugsum okkur Baug sem fótboltalið þá er ég í sókninni, aðrir
sjá um aðra þætti.
Það er auðvitað með ólíkindum hvað félaginu hefur
tekist á undanförnum árum miðað við allt áreitið sem við
höfum orðið fyrir – og árangurinn er því að þakka að það
eru gríðarlega öflugir aðilar sem standa að fyrirtækinu. Það
sem hefur gert okkur kleift að verða það sem við erum er
þessi öflugi hópur sem einbeitir sér að því sem við erum
góðir í.“
Hvar sérðu Baug fyrir þér eftir um fimm ár?
„Þetta er erfið spurning því að fyrir bara tveimur árum gat
enginn gert sér í hugarlund það sem við erum núna búnir
að ná. Markmiðið á næstu árum er að einbeita okkur að
þeirri stefnu sem við höfum þegar sett: við sjáum fyrir okkur
að hjá Baugi Group muni smásalan vega 60-70 prósent,
fasteignir 20 prósent og annað, þar á meðal fjölmiðlun,
10-15%.“
Viðskiptahugmynd
Baugs í Bretlandi er að
fjárfesta í fyrirtækjum
sem geta vaxið. Við
erum ekki í daglegum
rekstri fyrirtækja okkar,
en komum inn með
strategískan stuðning og
fjármagn og vinnum náið
með stjórnendum.
Sími 570 1000 • www.ok.is
skanna
senda
ljósritaprenta
Tilboðsverð kr . 385.000 m/vsk
Upphafl egt listaverð kr. 660.000 m/vsk
Vörunúmer: Q3944A
HP LaserJet 4345 xs mfp
HP LaserJet 4345xs mfp er fjölnotatæki með öllu:
• digital sender (skannar skjöl í lit, býr til PDF, TIFF,
MTIFF eða JPG og sendir beint í tölvupóst eða
á innra netið á mjög öruggan máta)
• ljósritun og prentun í svart-hvítu
• skannar í lit
• tvíhliða prentun (duplex) í svart-hvítu
• frálag með heftara
FRAMÚRSKARANDI HRAÐVIRKNI
Á EINSTÖKU VERÐI
Vegna einstakra samninga bjóðum
við nú takmarkað magn af einu
vinsælasta geisla-fjölnotatæki HP.
Einfalt í notkun og sparar tíma.
Fjölbreytt úrval fjármögnunar-
og rekstrarsamninga eru í boði.
Útskipti-tilboð HP er í fullum gangi.
Hægt að fá kr. 40.000 endurgreiddar ef keypt er nýtt
HP LaserJet 4345 xs mfp fjölnotatæki.
hefta
OK 4345mfp HEIMUR FINAL.indd 1 27/11/06 13:29:50