Frjáls verslun - 01.10.2006, Side 61

F R J Á L S V E R S L U N • 1 0 . T B L . 2 0 0 6 61
TEXTI: VIGDÍS STEFÁNSDÓTTIR
MYNDIR: GEIR ÓLAFSSON
Hildur Guðbjörnsdóttir
RITARI RANNVEIGAR RIST HJÁ ALCAN
Hildur segir traust milli for-
stjóra og einkaritara skipta
miklu máli og raunar vera
forsendu fyrir góðu samstarfi
þar sem um hendur þeirra fari
mikið af trúnaðarupplýsingum.
Starfssvið einkaritara sé mis-
jafnt en að jafnaði reyni þeir að
taka þannig á skipulagningu
og málum að yfirmaðurinn geti
einbeitt sér að því sem er í
gangi í hvert sinn.
„Dagurinn hefst yfirleitt á því
að ég fer yfir dagbókina og þá
mjög gjarnan með Rannveigu,“
segir Hildur. „Eftir það þarf
að hringja og skrifa bréf og
svara tölvupósti en talsvert
mikið af vinnunni fer orðið fram
í gegnum tölvupóst. Ég held
utan um dagbók Rannveigar
og sé um að bóka fundi, skipu-
leggja ýmsa viðburði og þess
háttar. Ég undirbý öll ferðalög
hennar og annarra starfsmanna
á vegum fyrirtækisins. Eins og
gefur að skilja, í stóru alþjóð-
legu fyrirtæki, er mikið um
fundi hér á landi og erlendis og
allt skipulag þeirra er í mínum
höndum. Það þarf að bóka
flug, hótel, fundaaðstöðu, veit-
ingastaði og fleira. En tækninni
fleygir fram og æ oftar er
notast við fjarfundabúnað.“
Karlar og konur – misjafnir
stjórnendur?
„Ég er nú ekki beint nýgræð-
ingur í þessu starfi, ég er
núna búin að vera í 4 ár hjá
Rannveigu en var áður einkarit-
ari hjá Brynjólfi Bjarnasyni í
Granda í 18 ár,“ segir Hildur.
„Ég tel að það sé munur á
stjórnunarstíl milli kynja en
kannski ekki á þann hátt
að annað kynið sé endilega
betra en hitt, heldur í sumum
tilvikum ólíkar áherslur. Ég
hugsa að í mínu tilviki liggi
aðalmunurinn nú í mismunandi
fyrirtækjum hvað varðar Alcan
og HB Granda. Í Granda voru
t.d. mikil samskipti við Chile og
Mexico, sem varð til þess að
ég fór að læra spænsku, sem
er mjög skemmtilegt tungumál
og gott að kunna. Hér aftur á
móti er móðurfyrirtækið stað-
sett í Kanada og öll tölvupósts-
amskipti eru á ensku og
frönsku, ég hef þó ekki farið út
í að læra frönskuna enn þá, hef
látið enskuna duga, en sjáum
hvað setur.“
„Mér líkar alveg sérstaklega
vel að vinna fyrir Rannveigu
og það að hún skuli vera kona
finnst mér bara góð viðbót við
hennar hæfileika. Mér finnst
hún frábær stjórnandi og myndi
segja að við ættum mjög gott
samstarf. Við eigum það líka
sameiginlegt að hafa báðar
farið á sjóinn. – Ég að vísu
í mýflugumynd þegar ég fór
einn túr sem háseti á frysti-
togaranum Snorra Sturlusyni
árið 1990, sem var mikil og
skemmtileg lífsreynsla.
Brynjólfur var líka frábær yfir-
maður, enda hefði ég ekki verið
í 18 ár hjá honum annars. Ég
tel mig hafa verið mjög heppna
að hafa haft þess tvo frábæru
yfirmenn og þau fá bæði bestu
meðmæli frá mér!
Frábær starfsandi
„Þetta starf er bæði fjölbreytt
og skemmtilegt,“ bætir Hildur
við. „Í Straumsvík er frábær
starfsandi og ég minnist þess
þegar ég kom hingað fyrst í
viðtal, að mér fannst ég vera
komin í lítið vinalegt þorp út á
landi, þannig að fyrsta tilfinning
var mjög góð. Hér er oft mikill
erill, mikil samskipti milli landa
og aldrei nein lognmolla, enda
bara gaman að því að takast á
við verkefnin sem bjóðast.“
Hildur er fædd og uppalin á
Suðureyri við Súgandafjörð
og á þar sterkar rætur. Hún
er gift Steinþóri Benediktssyni
húsasmíðameistara og eiga þau
þrjá stráka.
E I N K A R I T A R A R
Ólöf Erna Adamsdóttir
RITARI MAGNÚSAR PÉTURSSONAR, FORSTJÓRA
LANDSPÍTALA - HÁSKÓLASJÚKRAHÚSS
Ólöf Erna Adamsdóttir er kennari að mennt, vann um
tíma á auglýsingastofu en hefur nú í mörg ár verið
einkaritari Magnúsar Péturssonar.
Það er ekki tekið út með sitjandi
sældinni að stýra einum stærsta
vinnustað landsins, Landspítalanum.
Ritari og hægri hönd Magnúsar
Péturssonar, forstjóra Landspítala
- háskólasjúkrahúss heitir Ólöf Erna
Adamsdóttir.
„Þegar Magnús tók við stöðu
ráðuneytisstjóra í fjármálaráðuneyt-
inu var ég ritari í hálfu starfi. Hann
óskaði eftir því að ég bætti við mig
vinnu og sæi um ritarastörf fyrir hann
og þar með var ég orðin ritari ráðu-
neytisstjóra,“ segir Ólöf. „Þegar hann
svo flutti yfir á Landspítala bað hann
mig að fylgja sér og ég hef verið hér
síðan.“
Ólöf er kennari að mennt og
hefur unnið mikið að prófarkalestri í
gegnum tíðina.
„Þegar komu tarnir, t.d. fyrir fjár-
lagafrumvarp, las ég mikið. Fleiri