Frjáls verslun - 01.10.2006, Blaðsíða 37

F R J Á L S V E R S L U N • 1 0 . T B L . 2 0 0 6 37
Ásgeir Jónsson, forstöðumaður Greiningar KB-banka:
Hverjir eru helstu kaupendur Krónubréfa og geta
bréfin haft áhrif á gengi krónunnar?
Útgáfan styrkir gengið
„Um 75% Krónubréfa hafa verið gefin út af
einum aðila, kanadíska bankanum Toronto
Dominion, sem sérhæfir sig í útgáfu bréfa
með ýmsum hávaxtamyntum. Slík útgáfa
gefur tækifæri til að fénýta háa vexti, án þess að
þurfa að taka landaáhættu (country risk) því
að útgáfan er yfirleitt tryggð af stöndugum og
sterkum aðilum sem fjárfestar þekkja. Kaup-
endur Krónubréfanna eru yfirleitt fremur
smáir fjárfestar, jafnvel einkabankakúnnar í
Mið-Evrópu. Oft er gantast með að þetta séu
belgískir tannlæknar og ítalskar ekkjur, sem fylgist alla
jafna ekki sérlega vel með alþjóða efnahagsmálum en
séu ginnkeyptir fyrir háum vöxtum jafnvel þó að íslensk
gengisáhætta fylgi með.
Krónubréfaútgáfa styrkir gengið. Áhrifin
geta þó verið missterk, eftir því hvernig
staðið er að útgáfunni, það er hvernig eignin
sem stendur að baki bréfunum er mynduð.
Reynslan er þó sú að gengið styrkist yfirleitt
í kringum útgáfu, þó áhrifin séu kannski
ekki eins mikil og vænta megi, sé tekið mið
af umfangi. Krónubréfin eru ekki heitir pen-
ingar í hinum venjubundna skilningi þar sem
ákveðinn líftími er á þessum bréfum og það
gerir útflæðið sem fylgir þeim fyrirsjáanlegt og
eigendur bréfanna halda þeim yfirleitt fram að gjalddaga.
Það er önnur lausbundin stöðutaka með krónunni sem
skapar mestar sveiflur í gengi, þó væntingar um yfirvof-
andi gjalddaga krónubréfa geti einnig haft áhrif.“
Ásgeir Jónsson.
TÖLVUPÓSTURINN TIL ...
Sigurður Jónsson, framkvæmdastjóri SVÞ,
Samtaka verslunar og þjónustu:
Hve miklu eyða Íslendingar í jólahátíðina?
Spáum 9% aukningu
„Ný könnun Rannsóknarseturs verslunarinnar
sýnir að 12% landsmanna kaupir jólagjafir fyrir
meira en 25 þúsund kr., rúm 35% kaupa jóla-
gjafir fyrir á bilinu 26 til 50 þúsund kr., 23%
verja 51 til 75 þúsund kr. til jólagjafa og 18%
landsmanna setja 76 til 100 þús. kr. í jólagjafir.
Helmingur gerir jólainnkaupin eftir miðjan des-
ember. Rannsóknarsetrið spáir því að velta í smá-
söluverslun í nóvember og desember geti orðið
um 9% meiri en í fyrra miðað við fast verðlag,
sem er reyndar aðeins minni aukning en tvö síðustu ár. Könnunin sýnir
að 67% landsmanna kaupir jólagjafirnar á Íslandi og aðeins 1% kaupir
einungis á Netinu eða aðeins erlendis. Valnefnd Rannsóknarsetursins
kaus ávaxta- og grænmetispressu sem jólagjöfina í ár, en iPod lenti í 2.
sæti og svo eru bækur og tónlist sígildar jólagjafir.“
Sigurður Jónsson.
Óskar Magnússon, forstjóri Tryggingamiðstöðvarinnar:
Hvers vegna skrifaðir
þú smásagnasafn?
Skrifa mér til hugarhægðar
„Upphaflega skrifaði ég mér til skemmtunar og hugarhægðar. Svo komust málsmetandi menn, sem ég tek mark á, í þetta og töldu að svona sögur ættu erindi víðar. Þá tók við strangur kafli yfirlestrar og ritstjórnar undir leiðsögn stíl-færra manna á vegum útgef-anda. „Ættum við kannski frekar að hafa þankastrik hér en kommu?“ var eitt sinn spurt í slíkri yfirlegu, svo vandleg getur hún orðið. Öll smáatriði skipta máli. Annars er ég óskaplega þakklátur og raunar hrærður (ekki hristur) yfir þeim viðtökum sem þessi litla bók hefur fengið, bæði hjá almenningi og gagnrýn-endum. Ég tek þetta hlutverk alvarlega og vil gera þetta vel. Aðferðin er samt ekki endilega sú að vera allt of alvarlegur.“
Óskar
Magnússon.