Tímarit Máls og menningar - 01.04.1946, Qupperneq 11

TIMARIT
MÁLS OG MENRIIIVGAR
Ritstjóri: Kristinn E. Andrésson
Apríl 1946 1. hcfti
JjAÐ HEFUR mjög borið á því, að félagsmönnum Máls og menningar hafi
þótt félagi sínu of þröngur stakkur skorinn með því fé, sem verið hefur til
umráða. Hafa þeir lagt til, að árgjaldið yrði hækkað verulega í samræmi við
aukna velmegun fólks og vaxandi bókakaup. Stjórn félagsins hefur hins vegar
verið treg til að hækka árgjaldið fram yfir það, sem vísitala ákveður, sökum
þess að hún óttaðist, að einhverjir félagsmenn kynnu þá að heltast úr lestinni
af fjárhagslegum orsökum, en markmið félagsins var frá upphafi og er enn að
gefa öllum kost á að eignast góðar bækur, hverjar, sem fjárhagsástæður þeirra
eru. Má vera, að stjórn félagsins hafi verið helzt til gætin í þessu efni, og víst
er, að hún hefur oft kosið að hafa meira fé handa á milli. Nú er enn svo komið,
að útgáfukostnaður hefur aukizt, og er hann í raun og veru hærri en vísitala
gefur til kynna. Verður því enn að hækka árgjaldið, og hefur stjórn félagsins
og félagsráð að þessu sinni samþykkt að hækka það úr 30 kr. upp í 50 kr.
Nemur þessi hækkun nokkru meir en útgáfukostnaður hefur aukizt, og vonar
stjórn félagsins, að hún fái nú talsvert rýmra svið til útgáfunnar, geti enn vand-
að val bóka og útgáfu og ef til vill fært nokkuð út kvíarnar. Er þess að vænta,
að félagsmenn verði ánægðir með þessa ráðahreytni, ekki sízt þar sem svo
margir þeirra hafa verið hvatamenn hennar. Fyrir 50 króna árgjald fá félags-
menn þrjár bækur á ári auk tímaritsins, en eins og kunnugt er hrekkur sú
upphæð skammt á hinum frjálsa bókamarkaði, svo að varla er nokkur ein bók
fáanleg fyrir það verð.
QJM LEIÐ og félagsmönnum Máls og menningar berst þetta fyrsta hefti tíma-
ritsins í ár, kemur út fyrsta bók ársins 1946, skáldsagan SalamöndrustríSið
eftir Tékkann Karel Capek. Capek var langmerkastur tékkneskra rithöfunda
á síðustu áratugum (hann lézt árið 1938). Bækur hans eru þýddar á flest
menningarmál, og leikrit hans eru leikin á öllum helztu leiksviðum heims.
Eitt af leikritum hans, Gervimenn, var meira að segja leikið hér í Reykjavík
fyrir nokkrum árum og vakti mikla athygli.
Eins og enska skáldið H. G. Wells hefur Capek meðal annars lýst fram-