Tímarit Máls og menningar - 01.04.1946, Blaðsíða 87
UMSAGNIR UM BÆKUR
77
höfundi og á það bæði við um aðferðir og ályktanir. En það gefur að skilja,
að rökræður um það geta ekki farið fram á þessum stað.
Ég skal ekki leyna því, að mér finnst það að sumu leyti misráðið, að bók
þessi er rituð á íslenzku. Ilöfundinum hefur að vísu tekizt að skýra frá flókn-
um rannsóknum á alþýðlegan hátt, en eins og í bókinni segir, ætlast hann
fyrst og fremst til þess, „að ritgerð þessi geti komið að margvíslegum notum
öllum þeim, sem fást við síldarrannsóknir hér við land á komandi árum“ (bls.
275). Ég hefði heldur kosið, að höfundur hefði snúið sér til þessara manna
á alþjóðamáli og gefið þeim í hendur gögn öll og skilríki, en snúið sér til
íslenzkrar alþýðu í styttra máli með fáum tölum og mörgum myndum. En úr
því höfundur hefur tekið á sig svona mikið ómak fyrir íslenzka alþýðu, þá
vildi ég óska, að sem flestir kynntust þessari hugmyndaríku bók um lyfti-
stöng okkar — norðurlandssíldina.
Hermann Einarsson.
Léleg vinnubrögð
Áskell Löve: ÍSLENZKAR JURTIR. Með mynd-
um eftir Dagny Tande Lid. — Ejnar Munksgaard,
Kaupmannahöfn 1945. Aðalumboð á íslandi: Mál
og menning, Reykjavík.
Það mun vera einsdæmi, að samin sé flóra, án þess að höfundurinn hafi
nokkru sinni gert grasafræðilegar athuganir svo að nokkru nemi í því landi,
sem flóran er frá. Hingað til hefur það þó verið álitið mjög nauðsynlegt, að
flóruhöfundar þekktu þær jurtir, sem þeir skrifa um. En látum það nú vera,
þótt höf. fari þessa leið, ef þörfin á slíkri bók er svo aðkallandi; samvizku-
samur og vandvirkur grasafræðingur getur án efa samið nothæfa flóru, aðeins
með því að styðjast við aðrar skyldar bækur og nota þurrkaðar plöntur, ef þær
eru fyrir hendi, og það eins þótt hann sé í framandi landi.
Slíka tilraun hefur höf. gert, en mistekizt hrapallega. Auk þess sem höf.
virðist skorta mjög grasafræðilega þekkingu, blasir flaustrið og fljótfærnin við
rnanni á hverri einustu blaðsíðu, enda hlýtur höf. að hafa rekið bókina saman
á örstuttum tíma. Slíkt verður ekki afsakað og það því síður sem bókarinnar
var alls ekki þörf eins og sakir standa. Ný og endurbætt útgáfa af Flóru Is-
lands eftir Stefán Stefánsson er í undirbúningi, og gat seinasta útgáfan dugað
eitt ár í viðbót, enda er leitun á jafn vandaðri flóru og þeirri bók.
Þótt höf. sé þekktur að því að vera afkastamaður með afbrigðum, kom manni
það þó mjög á óvart, að hann skyldi hafa tíma til að semja heila flóru upp á
291 bls. Á því er samt skýring, sem er höf. sízt til frama. 011 bókin að heita
má (frá bls. 33 og aftur að fíflum), að fáum blaðsíðum undanteknum, er skrif-