Tímarit Máls og menningar - 01.04.1946, Blaðsíða 49

KÍNA í FORTÍÐ OG NÚTÍÐ
39
Milljónir manna í landinu hafa farizt af hungri og drepsóttum.
Samt fjölgar þessari lífseigu þj óð stöðugt.
Enn sem fyrr er hún fjölmennasta þjóð á jörðinni, 400—450
millj ónir.
Fimmti hver maður á jörðinni er Kínverji. Til samanburðar má
geta þess, að Bandaríkin hafa 135 milljónir íbúa, rússneska ríkja-
sambandið 180 milljónir. Englendingar, Italir, Frakkar og Þjóð-
verjar eru smáþjóðir í samanburði við Kínverja. Kína er eitt af
auðugustu og frjósömustu löndum jarðarinnar, þó að meirihluti
þjóðarinnar sé fátækur.
Þrátt fyrir allt er Kína enn eitt af aðal te- og silkilöndum heims-
ins. Það er mjög auðugt af málmum og kolum. Nú eru Kínverjar
loksins aftur orðnir húsbændur á sínu heimili, en það skortir fjár-
magn í landinu.
Hér er því mjög góður akur fyrir auðjöfra Breta og Ameríku-
manna, sem eru fúsir til að rétta hjálparhönd, með lánum og afborg-
unum. Kínversku iðnrekendurnir og bankaeigendurnir eru og fúsir
að þiggja enska og ameríska aðstoð og Sjang Kai Sjek er þeirra
maður. Það er mikið og stórt verksvið í Kína fyrir þá auðmenn í
Ameríku sem ekki vita, hvað þeir eiga að gera við peninga sína.
Kínverskt-amerískt bandalag er af mörgum talið ákjósanlegt í báð-
um ríkjum, ekki sízt af Sjang Kai Sjek marskálki. En Sjang Kai Sjek
á marga andstæðinga í Kína, bæði til hægri og vinstri.
Til vinstri eru kommúnistarnir kínversku, til hægri landaðallinn
í Norðurkína og fylgdarlið hans.
Leifar landaðalsins í Norðurkína, nokkur hluti millistéttanna í
bæjunum og sumir hershöfðingjar hafa sínar fyrirætlanir. Vígorð
þeirra er Asía fyrir Asíuþjóðirnar undir forustu Kínverja. Þeir
hugsa sér í framtíðinni öflugt kínverskt herveldi, sem með tíð og
tíma geti drottnað yfir allri Asíu. Þeir hata Breta og Ameríkumenn,
Rússa og kommúnista, og jafnvel Sjang Kai Sjek. En þeir eiga erfitt
um vik. Án útlendrar hjálpar tekur það óralangan tíma að rétta Kína
við. En eigi að síður dreymir þá sína drauma, sem minna mikið á
fyrirætlanir japönsku fasistanna. Sjálfir eru þeir ekkert annað en
fasistar í kínverskum stíl. Sumir þeirra börðust í stríðinu með