Són - 01.01.2005, Qupperneq 55

JÓÐMÆLI 55
Skriftarlag á Barngælubálki í JS 531 4to bendir til þess að uppskriftin
sé gerð á fyrra helmingi átjándu aldar. Skrifarinn hefir verið atvinnu-
skrifari, latínulærður svo sem áðurnefndar utanmálsgreinar sýna.
Hann getur í eyður forritsins þar sem skinnlag er uppurið. Erindin
eru tölusett 1–96, hverju erindi skipað í fjórar línur og yfirleitt punkt-
ur á eftir hverju erindi og kommur stöku sinnum eftir efni, einkum
fyrir og eftir ávarp ljóðmælanda til meyjarinnar. Sumstaðar yfirsést
skrifara og sjást ekki merki þess að uppskriftin hafi verið lesin saman
við frumrit. Erindin eru tölusett en hlaupið yfir tölurnar 45, 46 og 47,
verða því tölumerkt erindi 96, eða þremur fleiri en í forriti. Stækkað
letur er á nafnafelunum í 93. og 94. erindi í handritinu (hér í prentun
90. og 91. erindi). Á hægri spássíu í handritinu hefir einhver reynt að
ráða nöfn skálds og meyjar sem til er ort. Með bláu ritblýi til hliðar
við fyrstu tvær línurnar í 93. erindi (90. erindi í prentun) standa bók-
stafirnir R L K; við 3. og 4. línu stendur S S og við 6. línu D. Við
fyrstu tvær línurnar í 94. erindi í handritinu (91. erindi í prentun)
stendur H K; við 3. og 4. línu S E og við 5. og 6. línu H I. Nöfnin eru
enn á huldu; ráði sá er kann.
SKÝRINGAR
Barngæludiktur í AM 720 a IX 4to
1.–7. erindi samsvara 2.–6. og 8.–9. erindi í Barngælubálki.
5.4 jöfur] leiðrétt af útgefanda; í handriti er skipt milli lína án band-
striks: io gur.
7.8 kringt] þ.e. lagið.
8. erindi samsvarar 72. erindi í Barngælubálki.
9. 7 ei] má skilja hér í merkingunni ‚ætíð‘ og er þá átt við þá synd að
leggja nafn guðs við hégóma; á hinn bóginn má skilja ‚ei‘ sem ekki
og væri þá átt við að ekki syndgi sá sem varast að leggja nafn guðs
við hégóma; sú merking stendur nær síðustu línunum í 56. erindi í
Barngælubálki sem samsvarar þessu erindi. — 5 hosk] í báðum gerðum
kvæðisins er ævinlega orðmyndin ‚hosk‘ í merkingunni ‚horsk‘ þ. e.
‚vitur‘.
10. erindi samsvarar 39. erindi í Barngælubálki.
11. erindi samsvarar 67. erindi í Barngælubálki.
12. erindi samsvarar 78. erindi í Barngælubálki.
13. erindi samsvarar 77. erindi í Barngælubálki.
14. erindi samsvarar 18. erindi í Barngælubálki.