Skírnir - 01.09.1995, Side 48

318
SIGURÐUR GYLFIMAGNÚSSON
SKÍRNIR
nú rugla jeg upp einhverju af þessari liðinni viku.“17 Þannig lauk
lífssögu Halldórs Jónssonar.
Skráningarárdttan
Dagbók Halldórs er mikil að vöxtum, alls fjórtán bindi sem skrif-
uð eru af miklu listfengi.18 Daglegar færslur hans eru misítarlegar
en undantekningarlaust færði hann inn við lok hvers dags atburði
líðandi stundar. Hann byrjaði alltaf á að skýra stuttlega frá veðr-
inu og gaf gjarnan yfirlit yfir heygjöf dagsins. Auk þess skýrði
hann frá því helsta sem hann og fólk í hans nánasta umhverfi tók
sér fyrir hendur. Ef Halldór var að vinna við túnsléttun tilgreindi
hann hve mikið af torfi hann hefði rist og hve mikið af flaginu
hefði verið jafnað. Með svipuðum hætti skýrði hann frá beitn-
ingu, sjávarafla og heimtum fjár af fjalli, svo eitthvað sé nefnt.
Færslurnar eru þó ólíkar frá einum tíma til annars og virðast aðal-
lega mótast af þeim tómstundum sem Halldór hafði til að skrifa í
dagbókina.
Auk dagbókanna skrifaði Halldór upp ljóð af ýmsum toga í
fimmtán bindi sem sum hver eru allt að 400 blaðsíður.19 Fram
kemur í dagbókunum að hann hafði öll spjót úti við að heyja sér
efni í þessar ljóðabækur, bæði prentuð og óprentuð ljóð. Fjóða-
bókunum hafði hann að mestu lokið um miðjan síðasta áratug
nítjándu aldar. Þær voru síðan lánaðar til vina og kunningja og
útlánin skráð samviskusamlega í dagbækurnar. Enn eru ónefndar
bækur sem Halldór safnaði í ýmsu efni. Þær nefndi hann nöfnum
eins og Samtíningsbók, Rusl og Moð, Tómstundir og Búkolla.20
17 Lbs 2516 4to.
18 Dagbókin skiptist í tvo hluta eftir stærð brotsins. Fyrstu tíu bækurnar (Lbs
1857-1866 8vo) sem eru í átta blaða broti eru alls 2304 blaðsíður. Fjórar síð-
ustu bækurnar (Lbs 1675-1678 4to) eru alls 746 blaðsíður í fjögurra blaða
broti (sem er stærra en átta blaða brot) og spanna árin 1901-1912. Ekki verður
alltaf vísað í númer Handritadeildarinnar en þess í stað getið frá hvaða degi og
ári tilvitnanir eru fengnar svo að áhugasamir lesendur geti leitað þær uppi.
19 SjáLbs 1870-1884 8vo.
20 Ekki er ljóst hve margar þessar bækur voru en þrjár samtíningsbækur (Lbs
1867-1869 8vo) hafa varðveist í Handritadeild Landsbókasafnsins. Ennfremur
er vitað um nokkrar bækur í fórum ættingja Halldórs. Samtals eru bindin þrjú
1258 blaðsíður.