Skírnir - 01.09.1995, Qupperneq 61

SKÍRNIR
JEG ER 479 DÖGUM ÝNGRI EN NILLI
331
í upphafi dagbókarfærslnanna var Halldór ungur bóndasonur.
Áþ ví tímabili færði hann mjög nákvæmar skýrslur um allt dag-
legt líf sitt. Á köflum er engu líkara en að hann bregði upp kvik-
myndavél og sýni okkur inn í baðstofuna á Tindi nákvæmlega á
þeirri stundu er hann situr og skrifar í dagbókina: „nú er kl. 4.30
em. nilli er að rífa, fyrir Halldór kallin, Leifi að lesa hjer á borð-
inu Magnús á Halldórs kassa að elta skinn. Halldór að jeta kæa að
vefa gunna að vinda af snældu, Guðbjörg að kemba babbi sefur,
björg kembir ull og jeg er að skrifa. nú ætla jeg að lesa í Ár-
bókonum í kvöld.“56 Lýsingar sem þessi gætu hæglega átt við
heimilisiðnað í samfélagi sjálfsþurftarbúskapar. Hver vann að
sínu og bjó í haginn fyrir fjölskylduna. En starfsemin náði langt
út fyrir veggi heimilisins eins og kemur vel fram í dagbók Hall-
dórs 11. janúar 1890:
Nú er búið að gefa kindum í 5 vikur 2 daga og 1 hneppi. Gvendur í seli
kom í dag með stokk sem hann smíðaði firir nilla nilli er að smíða klossa
firir Dísu á Gestsstöðum nilli fór fram í sel í dag að mála klukkuna hans
bensa. jeg seldi leifa minn part í pennadósunum firir 1 penna. jeg er bú-
inn að skrifa, minnisbók firir mig og jeg er búinn að lesa aðra Árbókina.
Það er 23. dagar síðan bækurnar komu nilli er að skera rós á stokk. firsta
sinni hiti á hádegi síðan jeg fjekk mælirinn það var 2°+. nú er að brenna
út seinasti kertis stubbinn sem jeg á til, klukkan er að gánga tólf en allir
sofa nema við nilli. jeg er að skrifa í Þorláks kverið mitt.
Hvar sem borið er niður í dagbók Halldórs á þessu tímabili er að
finna lýsingar af þessu tagi. Sífelldur samgangur var á milli fólks í
sveitinni. Samskiptin einkenndust ekki af kurteisisheimsóknum
heldur af samvinnu fólksins um ýmis störf, bæði stór og smá.
Halldór minnist oft á að menn hafi smíðað hver fyrir annan.
Sjálfur fór hann reglulega til bónda í sveitinni sem batt inn öll
hans rit. Þeir bræður skutust ennfremur milli byggðalaga eftir
meðölum eða í aðrar sendiferðir: „Kristján í Túngu kom hjer og
ætlaði suður að Kveingrjóti og nilli filgdi honum suður á brún og
hann taldi sporin til baka og voru þau 14584. Gvendur í seli kom
56 Lbs 1857 8vo - 14. janúar 1890.