Skírnir - 01.09.1995, Side 63

SKÍRNIR
JEG ER 479 DÖGUM ÝNGRI EN NILLI
333
En samskipti fólks voru ekki aðeins bundin við störfin heldur
einnig ýmsa menningarstarfsemi. Áður hefur verið minnst á hve
áhugasamur Halldór var um söfnun efnis í ljóðakver sín og sam-
tíningsbækur. Oflun skriffæra og pappírs var fyrsta skrefið en
það kallaði á ýmsar tilfæringar eins og fram kom í tilvitnuninni
hér að framan: „jeg seldi leifa minn part í pennadósunum firir 1
penna."60 Til að gefa lesendum hugmynd um hversu upptekinn
Halldór var af að viða að sér efni má bregða upp dagbókarfærsl-
um hans frá upphafi ársins 1893. Þeir dagar sem vitnað er til eru
dæmigerðir fyrir menntunarviðleitni hans á árunum er hann sat í
föðurgarði:
8. janúar: Bjarni í Gröf kom með Lestrarfjelagsbóka lista, og bón með
frá Grími í Gröf til mín að skrifa hann upp fyrir sig sem jeg líka er búin
að og fyrir mig líka það sem bæst hefur við síðan í fyrra haust nl. 22
bækur. Jeg sendi með Bjarna ofan eptir Þjóðviljan únga og Heyásetnings
bókina sem Grímur ljéði mjer. Babbi kom með Sunnanfara; Nóvember-
blaðið og Desemberblaðið og „Skuggsjá og Ráðgátu" sem Guðrún á
Gestsstöðum ljeði mjer. Jeg ljeði Bensa í Seli Ljóðmælasafnið mitt VIII.
bindi.
9. janúar: Jeg skrifaði upp í gærkveldi og dag almanak yfir árið 1863 fyrir
B. Geirsson og setti framan á titilblaðið dýrahrings mindina sem er á
hverju dönsku almanaki; alm. er á einni örk, og sel jeg það á 30 au.
10. janúar: Bensi í Seli kom með Pöntunarfundarboðs seðil og fór jeg
með hann ofan að Gröf og Listan yfir Lestrarfjelagsbækurnar sem jeg
skrifaði fyrir Grím. Ofan að Kirkju bóli fór jeg með Koppstokks: Messí-
as, en fjekk aptur „Utsýn“ og „Sögu safn Þjóðólfs" Að Klúku fór jeg
með bók sem Björn ljeði mjer og blöð sem Valdýs átti hjá mjer, svo fór
jeg líka með IX bindi af Ljóðmælunum ofan eptir til inn bindingar. Jeg
skulda ekkert fyrir bókband í dag. - Bjarni í Gröf kom sunnan aðí morg-
un, hann var að sækja meðöl fyrir Orm litla í Gröf. kom hann með V.
Ljóðmæla bindið sem jeg ljeði Gróu Kristjánsdóttir á Brekku í haust. Jeg
skrifaði í dag og kvöld „Lífsleiðing“ eptir Guðm. Bergþ.son „Skilnaðar-
skrá“ eftir Kolb. Grímsson „Samstæður" óviss höfundur. Vísur eptir
Ben. Magn.son. allt fyrir Guðrúnu á Gestsstöðum.61
60 Lbs 1857 8vo. - II. janúar 1890.
61 Lbs 1859 8vo. Þótt mest af því lesefni sem Halldór fékk að láni hafi haft ótví-
rætt upplýsingargildi virðist hann hafa verið alæta á fróðleik og skemmtiefni.