Skírnir - 01.09.1995, Blaðsíða 68

338
SIGURÐUR GYLFI MAGNÚSSON
SKÍRNIR
svo að gera víða við garðinn sem hrunið er.“70 Við vegghleðslu
vann hann gjarnan fram á sumar og þá oftast stutt í senn á hverj-
um bæ: „Svo fór jeg frá Hrófbergi og útað Klúku kom hvergi
við, verð jeg þar næstu viku að minsta kosti. Það er búið að rífa
baðstofuna hjer og byggja nokkuð aptur.“71 Þá starfaði Halldór
endrum og eins við hleðslu og viðhald á vörðum uppi á heiðum.
Hinn 10. júlí 1899 skrifar hann: „í dag fór jeg með Leifa br. og
Jónatan vestur á Steingrímsfjarðarheiði til að hlaða þar vörður.
Sveinn á Kirkjubóli fór með okkur, tjölduðum við norðari ána
komum þar kl 9 1/2. Jeg keypti 2 ® smjör á Hrófbergi borgað í
pen. Hest fjekk jeg hjá Samúel inneptir. Brauð fjekk jeg í Hólum.
ísleifur bróðir sjer um vinnuna, kaup verður líklega 3 kr. á dag.“
Daginn eftir greinir hann frá afköstunum: „I dag hlóðum við 43
vörður að mestu frá grunni flestar. var það á bilinu frá Flóka-
tungu vestur að Þrívörðu. A því bili eru nú 68 vörður alls.“
I ágústmánuði vann Halldór oftast við slátt og heyskap. Síðan
tók hann aftur til við garðhleðslur og húsagerð fram eftir hausti.
Halldór reri einnig á haustvertíð með bændum í sveitinni: „Jeg
fjekk brjef frá Benedikt á Smáhömrum þess efnis að koma til
róðra. Bjó jeg mig svo í verið; fjekk 1 1/2 fj. af smjöri hjá Finn-
boga á Klúku á 9 krónur.“72 Desembermánuð notaði hann oftast
til að innheimta skuldir og borga reikninga. í lok ársins helgaði
hann tímann áhugamálum sínum og las þá gjarnan og skrifaði.
Athygli vekur hvernig Halldór náði að sjá sér farborða og
bæta nokkuð hag sinn á tímabilinu.73 Hann gat jafnvel sleppt
fram af sér beislinu á stundum! Hinn 6. júní 1899 skýrði hann frá
eftirfarandi ákvörðun sinni: „Jeg byrjaði að drekka kaffi í dag,
70 Lbs 1862 8vo - 16. maí 1896. Þess má geta að síðar meir ritaði Halldór grein 1
Búnaðarritið sem að sögn kunnugra manna er enn notuð við kennslu þessarar
listgreinar. Sjá: „Leiðbeiningar um húsveggja- og garðahleðslu eftir Halldór
bónda Jónsson í Miðdalsgröf I Strandasýslu.“ Búnaðarritið 20 (1906), bls. 95-
107.
71 Lbs 1862 8vo - 7. júní 1896.
72 Lbs 1675 8vo - 18. ágúst 1901.
73 Um þetta bera efnahagsreikningar Halldórs glöggt vitni en hann jók stöðugt
við eignir sínar frá ári til árs. Þegar hann ákvað að festa kaup á jörðinni Mið-
dalsgröf skömmu eftir aldamótin var hann í ágætum efnum á þeirra tíma
mælikvarða en þar munaði þó mest um föður- og móðurarfinn.