Skírnir - 01.09.1995, Page 250
EINAR SIGURÐSSON
Bókmenntaskrá Skírnis
í aldarfjórðung og ári betur
upphaflega var stofnað til Bókmenntaskrár Skírnis fyrir atbeina for-
ráðamanna Hins íslenska bókmenntafélags og ritstjóra Skírnis. Skráin
kom fyrst út árið 1969 og tók efnislega til ársins á undan. Hún birtist
það ár og hið næsta aftast í Skírni, en var þó sér um titilblað og blaðsíðu-
tal. Síðan hefur skráin komið sem sér hefti og fylgt Sktrni ár hvert. Frá
árinu 1987, þegar Skírnir fór að koma tvisvar á ári, hefur skráin fylgt
haustheftinu, sem að jafnaði kemur út í nóvember. Síðasti árgangur
skrárinnar, hinn tuttugasti og sjötti, kom því með hausthefti Skírnis 1994
og tekur efnislega til ársins 1993. Bókmenntaskrá Skírnis hefur þannig
komið út í rúman aldarfjórðung, og hefur undirritaður annast hana allan
tímann, en lætur nú af því starfi. Raunar mun óvíst hvort eða hvenær út-
gáfu skrárinnar verður fram haldið. Á þessum tímamótum verður að
beiðni ritstjóra Skírnis litið um öxl og sagt frá skránni í eftirfarandi grein.
Nokkur meginatriði
Bókmenntaskrá Skírnis er bókmenntasöguleg, þ.e. hún greinir skrif um
bókmenntir. Bókmenntaverkin sjálf voru því aðeins tekin með, að eitt-
hvað væri um þau ritað.
Undirtitill skrárinnar er Skrif um íslenskar bókmenntir síðari tíma. Með
því er átt við tímabilið frá því um 1500 til nútíðar, þ.e. frá og með Jóni
Arasyni.
Samkvæmt þeim viðmiðunum, sem hafðar voru um val í skrána, var eft-
irfarandi efni tekið með:
- greinar og rit um íslenskar fagurbókmenntir
- greinar og rit um íslenskar þjóðsögur og þjóðlegan fróðleik ýmiss
konar
- greinar og rit um íslenska bókfræði og um íslenska útgáfustarfsemi
- ævisögur og bréfasöfn íslenskra skálda og rithöfunda
- afmælis- og minningargreinar um íslensk skáld og rithöfunda
- ferðasögur og viðtalsbækur, ef að þeim standa íslensk skáld eða rit-
höfundar
- vísnaþættir
Skímir, 169. ár (haust 1995)