Saga - 2012, Blaðsíða 30

kapítalisma o.s.frv. Elizabeth Marsh var tilraun til að nálgast þetta
með öðrum hætti. Mig langaði að kanna hvernig mikilvægt skeið
„frum-hnattvæðingar“ á síðari hluta átjándu aldar hafði áhrif á
gjörðir og viðbrögð einnar konu og fjölskyldu hennar og hvers kon-
ar sögusýn slíkt myndi skapa. — Bókin varpar líka ljósi á það sem
ég vék að áðan, hvernig flutningur til annars lands og kynni af þar-
lendum fræðimönnum og þeim rannsóknaraðferðum og viðfangs-
efnum sem þar eru á dagskrá geta haft áhrif á það hvernig sagn -
fræðingar hugsa og skrifa um fortíðina. Áhugi minn á að nýta mér
lífsferil einstaklings sem leið til að rannsaka og færa í letur miklu
víðari hnattræna sögu kviknaði þegar ég dvaldi um skeið við Yale-
háskóla á árunum 1982–1997 og af vináttu minni við Jonathan
Spence — frábæran sagnfræðing og sérfræðing í sögu Kína. Ég dáð -
ist að því hvernig hann notaðist við litlar og persónulegar sögur í
verkum eins og The Death of Women Wang og The Question of Hu til
þess að veita innsýn inn í yfirgripsmikil þemu, og ég ákvað að ég
skyldi einhvern tíma á ferlinum takast slíkt á hendur.
David Cannadine: Ég held að sagnfræðingar skrifi ævisögur með
öðrum hætti en atvinnuævisagnaritarar, að því leyti að hinir fyrr-
nefndu hafa breiðara sjónarhorn á það líf sem þeir eru að fjalla um.
Í tilviki Mellons langaði mig að skilja lífshlaup hans í samhengi
þeirrar efnahagslegu byltingar sem átti sér stað í Bandaríkjunum og
hann var bæði virkur gerandi í og naut góðs af, í samhengi upp-
gangs Repúblikanaflokksins í alríkinu, sem hann var einnig virkur
gerandi í og naut góðs af, og í samhengi við aukin menningartengsl
Bandaríkjanna og Evrópu sem hann, enn og aftur, var bæði virkur
gerandi í og naut góðs af. Mig langaði líka að sýna hvernig — eftir
að hann hafði notið velgengni nánast alla sína tíð í takt við sögu-
lega þróun Ameríku — heimsmynd hans var snúið á hvolf með til-
komu Roosevelts og New Deal, þar sem gildum og afrekum
Mellons og annarra af hans sauðahúsi var hafnað. Ég hafði líka hug
á að sýna hvernig stóð á því að Mellon naut í lifanda lífi mikillar
aðdáunar um leið og aðrir höfðu óbeit á honum. Þetta var nokkuð
sem mér sem sagnfræðingi fannst mjög mikilvægt að reyna að
koma til skila á hlutlægan hátt. Almennt séð kallast bók mín um
Mellon á við annað verk mitt, The Decline and Fall of the British
Aristocracy, þar sem margar af sömu almennu stefnum og straum-
um sögunnar mynda stoðir beggja bóka en þó frá tveimur and -
stæðum hliðum.
linda colley og david cannadine30
Saga vor 2012_Saga haust 2004 - NOTA 10.5.2012 12:39 Page 30