Saga - 2012, Blaðsíða 131

lagið var gert (þ.e. væntanlega endurnýjað) 2001 og þá með því
ákvæði að skrá skyldi félagið á markað.13 Framkvæmdin dróst hins
vegar á langinn, og gefur BJB þá skýringu að S-hóps-menn hafi
viljað hætta við skráninguna en sameina frekar VÍS og Landsbank -
ann — m.ö.o. breyta eign sinni í VÍS í hlutabréf í Landsbankanum
sjálfum — enda „stefndi S-hópurinn að því að kaupa ráðandi hlut í
Landsbankanum“.14 Allt þetta hefur BJB eftir heimildarmanni sín-
um í Landsbankanum, sömuleiðis það að „sumarið 2002 krafðist S-
hópurinn þess að hluthafasamkomulaginu frá 1997 [þ.e. 2001] yrði
rift“ á forsendum sem Landsbankinn taldi tylliástæðu. Hvort rift-
unin gekk eftir kemur ekki beinlínis fram, en sagt er frá því í beinu
framhaldi hvernig „framsóknarmenn“ knúðu fram „sölu á VÍS til S-
hópsins“. Í þessa atburðarás vantar þann þátt að VÍS var raunar
skráð á markað (tilboðsmarkað Kauphallarinnar) þann 12. júlí með
skráningarlýsingu dagsettri 8. s.m. Er þar fullyrt: „Félaginu er ekki
kunnugt um neina samninga milli hluthafa um meðferð hluta“,15 og
getur það tæplega verið helber lygi um samning sem hafði verið á
margra vitorði. Hið formlega hluthafasamkomulag var sem sagt úr
sögunni, ekki af því að menn hefðu rift því heldur var tilgangi þess
lokið með skráningu félagsins á markað. Krafa S-hópsins mun hafa
komið fram í þessum svifum — í tengslum við söluferli bankanna
sem hófst með auglýsingu 10. júlí — og beinst að því að Lands -
bankinn hætti við fyrirhugaða sölu á verulegum hlut í VÍS gegnum
kerfi Kauphallarinnar en seldi þess í stað hlut sinn beint til S-hóps-
ins. Þarna hefði þurft samanburð við skrifleg gögn til að bæta úr
dæmigerðum óskýrleika upprifjunar eftir minni — þó heimild-
armaður segi satt á sinn hátt.
Minnisblað vekur spurningar
Um afstöðu munnlegra heimilda og ritaðra má sjá lærdómsríkt
dæmi þar sem BJB segir frá lánveitingu Landsbankans til kaupa á
Búnaðarbankanum (bls. 120). Sú saga hafði komið fram áður í fjöl -
í tröllahöndum 131
14 Þessar hugmyndir minna á svonefndan Gildingarhóp meðal hluthafa Bún -
aðarbankans. Fjárfestingarfélagið Gilding hafði verið sameinað Búnaðarbank -
anum, eigendur þess sem sagt fengið hlutabréf í honum sem endurgjald fyrir
félagið, og sóttust þeir síðar eftir að eignast ráðandi hlut í bankanum.
15 Skráningarlýsing. VÍS. Reykjavík: Landsbankinn Landsbréf, júlí 2002, bls. 12.
Frá öllu þessu er greint í fréttaskýringu Sigríðar Daggar Auðunsdóttur, „Sex
daga stríðið“, sem BJB notar.
Saga vor 2012_Saga haust 2004 - NOTA 10.5.2012 12:40 Page 131