Tímarit Máls og menningar - 01.10.2016, Page 24

K r i s t í n Ó m a r s d ó t t i r
24 TMM 2016 · 3
Hvort fannst þér skemmtilegra að vera barn eða unglingur?
Hm, já, þetta er frábær spurning, ég veit ekki hvenær er besti tíminn til að
svara þessu. Þegar ég sé gamlar ljósmyndir núna finnst mér allt sjarmerandi
í kringum bernskuna og allt hallærislegt kringum unglingsárin: hvað ég
var skrýtin. En svo þarf að athuga að maður getur gert fleira þegar maður
er unglingur. Þá var ég farin að skrifa viðtöl fyrir tímarit í Reykjavík, fór
ein í ferðalög, skrifaðist á við pennavini í útlöndum á öðru tungumáli, var
markvisst að víkka út heiminn – eitthvað sem maður gerir ekki sem barn.
Ég upplifði aldrei unglingsárin sem hörmungarafplánun eins og algengt er,
þó ég hafi verið með hallærislega hárgreiðslu og fundist ég lítið smart var
þetta ekki suicidal.
Ertu gift?
Nei.
Ertu í sambúð? Áttu börn?
Já, ég er í sambúð. Nei, ég er barnlaus.
***
Stúlkan á næsta borði:
Ímyndin er eitthvað sem aðrir en þú sjá.
***
Viltu segja mér frá skólagöngunni? Þú lærðir bókmenntafræði og hagnýta
fjölmiðlun – er það ekki?
Jú. Ég fór í Fjölbrautaskóla Vesturlands á Akranesi, svo suður í háskólann
og tók eitt ár í skiptinámi við háskólann í Bologna á Ítalíu, hafði áður farið
sem skiptinemi til Ítalíu þegar ég var unglingur. Bologna var falið leyndar-
mál á þessum tíma en hún hefur breyst, þeir markaðssettu borgina kringum
aldamótin og túristarúturnar héldu innreið sína. Þegar ég var þar voru bara
íbúar og stúdentar á götunum, hún var laus við ferðamannastraum, átti ekki
heimsfrægar kirkjur eða málverkasöfn. En galdurinn býr í borginni sjálfri og
borgarskipulaginu, miðborgin er byggð eins og stjarna eða hjól með múrum
í kring.
Hafði tíundi áratugurinn mikil áhrif á þig?
Já, en mest þegar ég var í útlöndum. Ég man eftir ákveðinni tónlist og
ákveðinni list og tengi það við veru mína annars staðar.
En sá níundi?
Ég á minningar um klassískt eitís: sauma herðapúða undir jakkana,