Tímarit Máls og menningar - 01.10.2016, Side 73

Ú t l e g ð a r s t e f n æ r o g f j æ r : A r f u r L a u r u o g G u t t o r m s
TMM 2016 · 3 73
Foreldrar Lauru, þau Lárus Guðmundsson frá Ferjukoti og Ingibjörg Guð-
mundsdóttir frá Kollsá í Strandasýslu, búa þó börnum sínum sérstæð skil-
yrði að því leyti að Lárus virðist haldinn óslökkvandi gandreiðarþrá. Brotin
í splundraðri fortíðinni halda því áfram að hrannast upp meðan á barnæsku
Lauru stendur, hvort heldur er í Bandaríkjunum eða Kanada. Þar við bætist
djúpstæð togstreita foreldranna sem Laura skrifar einnig meira um í fleiri
köflum æviminninganna. Sléttur Norður-Ameríku mega teljast kjörlendi
fyrir mann eins og Lárus, en Ingibjörg kona hans er annarrar náttúru:
„Ég afber þetta ekki lengur,“ hafði hún sagt kuldalega, það var bláköld niðurstaðan.
Hún sagði fleira sem barnið átti ekki að skilja en nú rann upp fyrir því að þetta
kapphlaup í nóttinni var til þess gert að komast frá því sem móðirin gat ekki afborið.
Og einhvern veginn vissi hún að það voru ekki bara úlfarnir sem móðir hennar
heyrði í þessari hræðilegu háreysti heldur einnig villimannlegar tungur þessa
dimma lands, það voru raddir óbyggðanna sem móðirin bar engar tilfinningar til
og barðist gegn af köldum staðfestum ásetningi.
„Þarna hefurðu það!“ hrópaði móðirin bitur. „Við verðum étin! Góður endir á
áhættusömu ævintýri.“ (15)
Hvernig sem lesendur túlka togstreitu foreldranna og möguleg áhrif hennar
á skrif Lauru síðar meir, má sjá hvernig „áhættusamt ævintýrið“ fyllir sjón-
deildarhring barnsins Lauru. Eins og búast má við, kemur sama ævintýri
Íslenskir innflytjendur í Riverton. Mynd LB Foote.