Tímarit Máls og menningar - 01.10.2016, Page 128
H r a f n G u n n l a u g s s o n
128 TMM 2016 · 3
þessum hugsunum frá sér og passa upp á hegðunarmynstrið, og talar í þess
stað um gæðastjórnun, hagræðinguna og öryggið sem fylgi kjölfestu-
fjárfestum.
Nefndarformaðurinn veltir fyrir sér, hvort komið sé að því
að hann eigi að skipta um skoðun, og tjá sig í víðara samhengi,
– þá abbast upp á hann þessi renglulegi lögfræðingur
sem hefur átt við hugsýki að stríða
síðan hann smitaðist af ólæknandi hugmyndum í útlöndum,
og segir að allir séu búnir að gleyma ósonlaginu – Er það ekki
bara síðasta lag fyrir fréttir, – horfið? segir húmoristinn,
og talar alvörugefinn um forheimskun fjölmiðlanna
og knýjandi nauðsyn þess að setja hertar reglur og lög til að verja
frelsið og bölvar svo lyginni sem hann hafi þurft að kyngja alla ævi
og hann reynir enn einu sinni að kasta henni upp, en hann er orðinn
of þvoglumæltur til að orðin bitru losni úr hálsinum
og í stöðunni er viðbúið að margra ára veislumatur fylgi með
Mannauðurinn og bömmerinn í tilfinningaflækjunum og hugarórum
síbernskunnar
og endurminningum sem bögga, snerta í brjóstinu slímugan ullarstreng
sem ævafornt stúlkubarn er að prjóna, – sanngirnisbæturnar, og nördarnir
og frambjóðendur í útrýmingarhættu, hengilmænurnar, lónerarnir,
skjólstæðingarnir,
sú hagstæða, vegfarendur, vinirnir og óvinirnir, – öll ala þau á feimninni
við að finna til
og þau veltast um í hugsunum um að fjórða víddin hljóti að vera til
þótt ég sjái hana ekki frekar en svartnættið sem ég ætla að sníða þér kjól úr